الجرتي والمسعودي

[ابو الوافي كاسب المعالي]

السلام عليكم ورحمه الله وبركاته .....اما بعد ..... المحاوره التاليه :

المسعودي والجبرتي لا تكل ولا تمل وأنت تقرأ أو تسمع لهما ، شاعران كبيران افتقدتهما الساحة ، وإليكم هذه المحاورة التي دارت بينهما وكان الغرض منها تسجيل حلقة لبرنامج البادية ولكن المسعودي تأخر في الوصول إلى الجبرتي فاستغل الأخير الفرصة ودار هذا النقاش : ـ
الجبرتي : ـ
مرحبا بالصاحب اللي مثل برّاق ٍ يلوح.,’’,.عهدنا به في زمان العام يوم البرق لاح
جيتنا بالقايلة ما جيتنا وقت الصبـــوح.,’’,.الغنم قفى لبنها والغدا من صبح راح


المسعودي : ـ
البقا بالصاحب اللي حيث ما يرزق طموح.,’’,.نوب يرزق بالمطر ومرار يرزق بالرياح
قوم شب النار تحت القدر حتى إنه يفوح.,’’,.الغنم تسـرح مع الراعي وتضوي فالمراح


الجبرتي : ـ
إن لزمك الليل عندي بذبح الكبش النطوح.,’’,.بعدما جاني صحيبي طاح راس الكبش طاح
أنت ما يبري جروحك غير مبرين الجروح.,’’,.والعلامة في جناح الصقر صفاق الجناح


المسعودي : ـ
يا لله إنك تجعل المذبوح فدوة للذبوح.,’’,.يمكن إن الكبش لا شافك يموت بلا سلاح
والدوى يبري جروحي وانت جرحك ما يروح.,’’,.كل ما يلمسك فيه الثوب لجيت الصياح
الجبرتي : ـ
ما يسافر في سفينة نوح غير أصحاب نوح.,’’,.سافرت فالليل مدري سافرت وقت الصباح
يا شباب العرب لا بدك تعود للقروح.,’’,.وإن نجحت العام أقيّس ذا السنة ما لك نجاح
المسعودي : ـ
السفينة شالت الصالح على وسق السطوح.,’’,.وأنت لو قلنا تبا تصلح متى عاد الصلاح
وإن بغيت السمن ما تلقاه في بيت الشحوح.,’’,.والرخامة ما تجيك من الرياجيل الفلاح

ابو الوافي ........................... كاسب المعالي .........................................

لكم الان التعليق .......... مع التحيه والاحترام للجميع ....

[علي الشهراني]

الله يرحمهم جميع


ايه هذا الشعر و الا فلا


نقض و فتل افتقدته الساحه كثيرا


مشكوور و لاهنت يا ابو الوافي

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[ابو الوافي كاسب المعالي]

شكراااا كل الشكر
الراى السديد
اسم لامع في المنتدى