النصـر والهـلال

[مرزوق حمدان العتيبي]

ابو فلاح

النصر يوم الخميس العصر صك الهلال = بثنين والمفترض ماهي ثنين أربعه
ياكم هلالي بخده دمع الأحزان سال= المستوى والنتيجه ماهي بمقنعه

..
مرزوق

النصر يوم الخميس العصر صابه هبال = ماكن قد ذاق من ضرباتنا الموجعه
عشرين عام وهمومه كبر سود الجبال = حظه تحت والعضياني يبا يرفعه

..
ابو فلاح

يوم الخميس العصر بانت فعول الرجال= اكبر مصيبه على مرزوق واللي معه
فريقنا أول فريق يروح للمونديال = العالمي, نادي ام صلال مايرطعه

مرزوق

افعولنا واضحه هاماتنا ماتطال = حنا رجال الفعايل ياهروج السعه
رحتوا وجبتم فشيله يو م قام النزال = كل النوادي غديتوا قدمها مضيعه

ابوفلاح

نكبكم الله يوم الغش ماله مجال= ازرى الدعيع يرد الكوره المسرعه
اكثر بطولاتكم حرام ماهي حلال= مكفوف الايدي يدين الناس ماتنفعه

..
مرزوق

يابو فلاح ان هرجت اهرج بهرج ٍ عدال = الصدق عده وعكس الصدق لاتطلعه
الفقر خلا الفقير يقول واحد ريال = يرضى بسقط المتاع ويترك المطمعه

ابو فلاح

.

مالومك تعيش في حالة غضب وإنفعال= وأكبر دليل الكلام يمر ماتسمعه
واحد ريال افضل من اللي صفر من شمال= والجنس الآخر يصفق معه ويشجعه

.
مرزوق

اعقولكم يخلف الله صار فيها اختلال = قدام كل الخلايق جالكم جعجعه
هذا هلال التحدي والفخر والكمال = يعجز ضعيف العزايم ماطلع مطلعه