مهندس القاف
يامعجب المحترم لاتفهمونا غلط=هذي ثيابٍ نوزعها على اصحابها
احدٍ لبسها واحد من طيب حظه لحط=واهل المراجل سواتك بيضٍ ثيابها
معجب العتيبي
ياشين كتب الحروف اللي بليا نقط=ماتنفع اللي قرا وتغث كتّابها
من لايقدّر رجال العرف معهم ورط=لابد ماينحرج في يوم بأسبابها
مهندس القاف
قلنا السؤال وجوابه للبليد وسقط=واشتالها صاحب الغفله ولاجابها
بن اليمن شمه التالي وصاح وعفط=مايعرف الشاذليه غير شرابها
معجب العتيبي
ناديت صاحبك وامن.للحلال وقلط=واثرك تجيب العسل والسم من نابها
فالشاذليه تجيب من الغشاش وتحط=وانصحك ياصاحبي لاعاد تضرابها
مهندس القاف
في الخط لو نحتدي ناطا عيون القطط=ونردها للطريق ونحسب حسابها
ارضيت 200فرد وضاق واحد فقط=يضرب براسه جبال هذيل وشعابها
معجب العتيبي
لاتامن الانقلابه ليلٍ اسود وخط=والديره الموحشه لاتامن ذيابها
لو كل حاجه تجي فأيامنا خن بط =ان كان الاخلاق فالدنيا ماعشنابها
« آخـــر الـــمـــشـــاركــــات »
23-Dec-2009, 09:25 PM
العرض الشجري