مقدام النت
سلام ياهل الديار العامره كل عام=اقولها والعرب مثلي يقولونها
ياهجس الشعر حضر والهمام الهمام=نبا نصوغ البيوت الي يصوغونها
معجب العتيبي
يامرحبا ياهلا ياللي ترد السلام=كتبتها والعرب فالنت يقرونها
ياهاجس الشعر لاتنسى حدود النظام=والكلمه الطيبه تمشي على هونها
مقدام النت
دام البقى يارجالِ تكسب الاحترام=احبها واكثر العالم يحبونها
في داركم ياعتيبه ثار عج وعسام=يالله عسى تصلح الدعوى وتنهونها
معجب العتيبي
ماحب راع الوفا غير الكريم الهمام=ياما أجمل الكلمه اللي جات بلحونها
لا لا يغرك كثير البلبله والكلام=اشاعةٍ عابره والناس يوحونها
مقدام النت
اعلومنا ثابته تدري علي الحرام=يوم الحقيقه عباد الله يعدونها
الفتنه الي لفى فيها لعين الرسام=ذبحتها مير باقي ناس يحيونها
معجب العتيبي
لاتحلف بغير ربك ياعساك الرحام= الكلم البينه ماغرّني لونها
لو تختلف كلمة العرّاف زادو ملام=ولو تتفق قالوا العله بمضمونها
مقدام النت
بالكرت الاحمر طردتوا رقم (6) حسام=ها ليه في ملعب (الراكه) تردونها
الكلمه اللينه تغري عيال الحرام=والقاسيه تاقف اهل الشر من دونها
معجب العتيبي
الرمي واحد حجر والا ثلاثة سهام=والخافيه خافيه ماباح مكنونها
ماضنتي في نفوس القوم حب انتقام=والثانيه لو تجي بالكيل يوفونها
« آخـــر الـــمـــشـــاركــــات »
16-Dec-2009, 05:04 PM
العرض العادي
