عبدالله الاصعر
الله على الايام وليالها السود=خلت حكيم العقل يزهق بروحه
يامعجب انت بقسم الاشراف موجود=على المريض اللي عطيبه جروحه
معجب العتيبي
لاتامن الدنيا ترا منت محدود= واخذ النصيحه من قلوبٍ نصوحه
في ماقفي ماجبت شرهه ومنقود=ما احتاج للي زايداتٍ مدوحه
عبدالله الاصعر
تلقى الكرم والجود مع راعي الجود=ماهوب عند اهل اليدين الشحوحه
لو درب بعض الناس مغلق ومسدود=يمدي بليد العقل صعب(ن) نجوحه
معجب العتيبي
الطيب بين الناس ماجاله حدود= وياطيب من يغني عن الناس روحه
لو الكفاح يصير منسي ومفقود=مابيّن الميزان معنى رجوحه
« آخـــر الـــمـــشـــاركــــات »
16-Dec-2009, 03:27 PM
العرض المتطور
