عقاب العنزي
ياسعود نابت لك ظهر من بعد ماكبر البطين = وانته إلك مده تبا ذيك الهنوف الهاويه
اليا جرفك السيل حاول تعتلي راس البطين = وان كان ماتقدر ترى وقعت وسط الهاويه
سعود البرقاوي
ياعقاب انا اشوفك تسولف والجماعة صامتين = وش قربّك من هجرة الخوبة وريع الغاوية
حسبي على اللي صام ،، وافطر من عقب ماصام تين = نفسه غوت ،، وابليس بيته فالنفوس الغاوية
عقاب العنزي
الله اكبر ياسعود ازرت تبيّدك السنين = صنعت لك مجد ٍ تسولف جميع الراويه
ماباقي الا اني اسل بوجهك السيف السنين = من يوم كبيت السقوس وشلت ذيك الراويه
سعود البرقاوي
حضر مع الحجة ليا جيت المحاكم شاهدين = مالك ذريعة تستغل وتختل الطنطاوية
يا اهل بلاد الفرس نعرف مال لشاهن شاه دين = ومن الفقر يرقد ليا من غلّق الطن طاوية
عقاب العنزي
انتم على حكم الشريعه يالعميل امباعدين = لكن ابه ناس ٍ على الاخلاص والبر ناويه
امن الفقر ياسعود موترك السنه امباع دين = جده ماضيّعها ياكود الطرش والبرناويه
سعود البرقاوي
ياللي قفزتوا بالمظلة كيف صرتوا قافزين = وانتم من اول كل واحد عند ضانه شاويه
ماجاب راع القاف من ضمن القصيدة قاف زين = ليته يسجل ياجماعة مع (موسيقى شاويه)
عقاب العنزي
حنا تعلمنا الكتابه بالقلم ولصابعين = وانتم على حد الجهل واعروشكم متخاويه
قلب الحسود اسود لامنه ابتسم لا صاب عين = وانتم على نفس الطريق انفوسكم متخاويه
« آخـــر الـــمـــشـــاركــــات »
10-Dec-2009, 06:14 PM
العرض العادي
