[quote=سعود العصيمي;956840]
صاهوود=
سلام الله وانا شاعر مفوّه واكـره القانـون=احب الفوّضويّه والاسامـي مأعتـرف فيهـا
من المشرق ليا المغرب مجمل والعرب يدرون=لكـن ام الكبايـر ماتحـب الا بنـي خيهـا
كبتن عتيبه=
هلا يامرحبا والفوضويـه دمّـرت فرعـون=وجاك اللي تبا واهل الأسامي دون أساميها!!
ياصاهود المطيري قصّر الخطوه عليك الهون=يطول الوقت وتعود المياه اليـا مجاريهـا!!
صاهوود=
يدوم الك البقا والشك ماتبكي عليـه اعيـون=مجمل وانت سلطان الحويه وانـت راعيهـا
اشوف اهل المنايح تمنع الطرقي عن الماعون=يبديهـا علـي نفسـه ولا تصـدق مباديهـا
كبتن عتيبه=
مدام البرق يبرق يالمطيري والمزون مزون=ديارك يالمطيري يالعل السيـل يسقيهـا!!
تبى المليون..قابل ياصحيبي لجنة المليـون=ودوّر لك قصيده تعجب اللجنه معانيهـاا!!
صاهوود=
علي هونك يابوفيصل ترا الجمره علي الغليون=هل النيات والتحريـف لا تمشـي مماشيهـا
كسبنا اثبيت والعتبان وان جينا تطخ اجنـون=تبينـا انهـادن اللجنـه وحنـا ماندانيـهـا
كبتن عتيبه=
تبيلك زيت صافي من ثماري شجرة الزيتون=وقطعت غصونها قدام لا تطلـع ثماريهـا!!
لو ان الله عطاك من الخزاين ماعطى قارون=مايمديك اتعدي وايديك ترفعها وترخيهـا!!
صاهوود=
لاوالله وقتي الاقشر كلا حظي بدون اسنون=ثمان اشهور فالديـره ولاشفنـا حسانيهـا
انا من كثر مدّخل فالسجن سموني المسجون=تشمّتبي ضعوف النـاس وتكبـر علابيهـا
كبتن عتيبه=
ليا صلّيت لا تصلّي رياء والباقيـات تهـون=ويجيك أجرك على قدر الصلاة اللي تصليها!!
سنونك سوست ما تنفعك فرشه ولا معجـون=مخربها التتن والسوري ازرى لا يسويهـا!!
صحت الالسن والقلوب
صاهوووود والكبتن
مبدعييين بكل ماتحمله الكلمة من معنى
ابدعتوا وامتعتوا
ولاهنتوا
تقبلوا تحياتي وتقديري ومتابعتي
« آخـــر الـــمـــشـــاركــــات »
07-Dec-2009, 01:20 AM
العرض المتطور
