انشد عن العتبان في كل الاقطار/تلقى العتيبي عز من ينتخيبه - الهيـــــــــــــلا *** منتدى قبيلة عتيبة

هاوي511 · 05-Dec-2009, 01:31 AM

للخيل خياله وللشعر شعار0
اقولها في مدح ربعي عتيبه0
لطامة العايل هل العز والكار0
ذباحة الحايل ولاهي غريبه0
لنا الكرم والطيب عنوان وشعار0
وسيوفنا فوق المعادي عطيبه0
يوم المعارك جالها عج وغبار0
ربعي عتيبه مارضت بالغليبه0
حنا سوات السيف والسيف بتار0
والسيف له عند المخاليق هيبه0
انشد عن العتبان في كل الاقطار0
تلقى العتيبي عز من ينتخيبه0
واليوم في جزل المعاني ابختار0
واشرف على المرقاب واعوي لذيبه0
سود الليالي مبهمه والفلك دار0
دار الفلك ياخوي دوره عجيبه0
ماني من اللي يسبر يمين ويسار0
وليا لقا الفرصه تناوش صحيبه0
انا سعدابن قثام نسل الاحرار0
احل عسرات الامور الصعيبه0
قلته وانا في خاطري بعض الافكار0
اعدها من دون شك وريبه0
بعض العرب مشغول في نقل الاخبار0
احد(ن) يودي علم واحد يجيبه0
احد(ن) يودي علم لو كان ماصار0
واحد يصدقله ويفتل شنيبه0
وبعض العرب في خوته يجلب العار0
يعيب العربان ماشاف عيبه0
ياللي تحزم بندقك مالها عيار0
وليا رميت ابه الهدف ماتصيبه0
ماقدمك الاالجمر مع صالي النار0
واللي يدوس الجمر يونس لهيبه0
يحماني الله من صواديف الاقدار0
الواحد اللي كلنا نحتميبه0
وختامها صلوا عدد وبل الامطار0
على رسول(ن) كلنا نقتديبه0

الشاعر /سعد القثامي
رابط القصيده من ديوان الشاعر
http://www.alsh3r.com/viewpoem.24563.html

خيال الأصيله · 05-Dec-2009, 06:06 AM

لا هنت على النقل يالقرم وصح اللسان الشاعر

فهد النفيعي · 05-Dec-2009, 11:11 AM

صح لسان الشاعر سعد القثامي

ومشكور على النقل

الجزل · 05-Dec-2009, 02:46 PM

صح لسان سعد القثامي وشكرا لكـ يا هاوي 511 على نقل القصيدة

هاوي511 · 05-Dec-2009, 04:55 PM

اقتباس:

المشاركة الأصلية كتبت بواسطة خيال الأصيله

لا هنت على النقل يالقرم وصح اللسان الشاعر

شاكر لك مرورك

خالد بن مورق · 05-Dec-2009, 05:18 PM

ونعم والله في القثامي قصيده جزله

أبوثنتين · 05-Dec-2009, 07:58 PM

انشد عن العتبان في كل الاقطار ........................ تلقى العتيبي عز من ينتخيبه

صح لسان الشاعر / سعد القثامي

على هذه الأبيات الجزلة

ونعم بعتيبة وبجميع القبائل

لا هنت اخوي هاوي