(( الشعر للتاريخ ديوان ))

[علي فلاح العضياني]

السلام عليكم



من أبسط حقوق القبيله على الشاعر تدوين الامجاد و المفاخر الحقيقيّه



و إليكم هذه القصيده

الشعر للتاريخ مرجع و ديوان= و لموجز أخبار القبايل وسيله
لا خير فالشاعر و شعره ليا كان= ما له قصايد في تراث القبيله
و انا افتخر بالآد ثعلي على شان = راياتهم بيضاء براس البتيله
أفعالهم للطيب و المجد عنوان=تحكي به الاجيال جيلٍ لجيله
في حرّة الروقه لهم دار و أوطان=و لهم بنجد ديار ما هي قليله
متباعدين و بالنسب ربع و اخوان=الجدّ ثعلي حيّ من ينتمي له
طالت يمانيهم مع طوال الايمان=أهل المكارم و البيوت الظليله
بنو لهم قصرٍ ثبت فوق سيسان=مثل الجبل بين الجبال الطويله
فال الطراقي فيه فنجال رسلان= يجلى عماس الراس بنّه و هيله
و عقالهم يعقر لهم حيلٍ سمان=جادوا بعجفات السنين البخيله
و اهل الفعول اللي على مرّ الازمان=في كفّة الميزان تبقى ثقيله
يوم إنّ قدر الجار محفوظ و مصان=يوخذ نقاه اثنين في ظرف ليله
إقضاة حقّ و للمعاديل ميزان=تحكم بحكم الحقّ من دون ميله
قبيلةٍ دايم على الخير عوّان=تلقى بهم كلّ الصفات الفضيله
ربعي هل الطالات في كلّ ميدان=و أهل المفاخر كاسبين الجميله
الطيب لاهل الطيب ميراث جدّان= متسلسلين من العموق الاصيله
ثعاليه و الساس معروف عضيان= اصل و فصل و عروق دمّ و فصيله
سقم الحريب مخلّصة كل ديّان=ليا ناش راس الزند خشم الفتيله
و اشتبّت النار و غطى الجوّ دخّان = يفنون دقلات الجموع المهيله
ليا منّ بيرقهم غزا القوم و آكان= بالحيل و الحيلات ما فيه حيله
يوم المغازي فالجزيره و الاكوان=و كلّ بقوّاته و جيشه و خيله
حريبهم ما يمرح الليل سهران=و القلب كنّه فوق حام المليله
قومٍ نواجيل و هل سنان و عنان=و أهل السيوف المرهفات الصقيله
اللي يشيل الروس من بين الامتان=كم فرّقوا بين الخليل و خليله
علمٍ عليه من البراهين برهان= القول ثابت و الفعايل دليله
من دون قاصر فالقبايل و حقران= هذاه موجز من تراث القبيله
و ختامها صلّوا على نسل عدنان= عداد ما لاحت بروق المخيله

التوقيع

(( رأس الحكمه مخافة الله ))

[الصميدع المقاطي]

صح لسانك يا فلاح العضياني .. ونعم فيكم والله ..

[لطــام العــايل]

صح لسانك وبيض الله وجهك

[علي فلاح العضياني]

بدر المقاطي صح بدنك


و ما عليك زود



لطام العايل


صح بدنك و وجهك أبيض

[حاكم الغنامي]

الطيب لاهل الطيب ميراث جـدّان
متسلسلين من العمـوق الاصيلـه


الله اكبر



صح لساانكــ ياشاعر الهيلا


ونعم بالاد ثعلي

لاهنت

التوقيع

سبحــــان الله وبحمدهـ hakem81@live.com

[مرزوق حمدان العتيبي]

..
.
ثعاليه و الساس معروف عضيـان
اصل و فصل و عروق دمّ و فصيله
سقم الحريب مخلّصـة كـل ديّـان
ليا ناش راس الزند خشم الفتيلـه

والله ومليون نعم ولا تسد
صح لسانكـــ يابو فلاح قلت وابدعت ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سلطان ابن حامد]

اللهم صل وسلم على محمد

هذي ورى ما تثبتت لهالحين ؟ ! : )

لي عوده

التوقيع

توترتي هنيـّا : )

[ابن صنهوت]

الطيب لاهل الطيب ميراث جـدّان,,,,,, متسلسلين من العمـوق الاصيلـه
ثعاليه و الساس معروف عضيـان ,,,,,,اصل و فصل و عروق دمّ و فصيله


علي والله وسبعين نعم بالاد ثعلي وبالعضيان كلهم حيهم والله من عضيان


صح لسانك مدد بلا عدد

[ابو فايح]

لا خير فالشاعر و شعره ليا كـان***ما له قصايد فـي تـراث القبيلـه

ونعم مليون بالثعاليه

صح لسانك يابو فلاح

التوقيع

عالم تويتر abofayeh@

[نوآف الغنامي]

اللهم صل على محمد



والله وسبعين بعم بلآد ثعلي ,,,


ابو فلآح صح الله لسانك وبيض الله وجهك ,,,


ابدعت ولآهو بغريب عليك يبو فلآح ,,,

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً