مطلق الفليت
سلامي على الشعار وعقاب بالذات=سميك .. سميك ياعقاب العواجي
وانا ما اجهل الكعبة ولا كل ميقات=اعرف المقيت وماه حلو وهماجي
عقاب العنزي
هلا مرحبابك بالنيابه لكـن هـات=علومك قبل لاتضيع وسط العجاجي
يقولون الاحيا ماهم حساب الاموات=لكل علة نلقـى باثرهـا علاجـي
مطلق الفليت
يدوم البقا ياعقـاب لكـن سلامـات=انا اخبرك بيتك مابني مـن زجاجـي
وترا اللي يجي ويروح ياعقاب بسكات=لامنجن بني عمـه ولاهـوب ناجـي
عقاب العنزي
علومك علومك نفسها راحت وجـات=عسى انك تعديهـا بحيـد السياجـي
ترى المرجله ماهيب في كثر الاصوات=وانا دون ربعي عز راسـي وتاجـي
مطلق الفليت
سجود السهو ياعقاب عقب التحيات=ولاعاد تجهل ياطليق الحجاجي
مدام الزيودانتاجها البن والقات=تتنزل بضايعها نزولن مفاجي
عقاب العنزي
انا مسلم ٍ خاشع بكـل الصلـوات=لكن ّ أشبك الكهرب بسلك البواجي
ترى اهل الابل ماتستمع فالقنوات=مدام النقايد جت من اهل الدجاجي
صحت السنتكم يالثنين
ولاهنتوا
طاروق رائع
تقبلوا تحيتي