حبيت أعايدكم قبل عيد الضحيه!!

[محمد الشامان الحشيبري]

كبتن عتيبه @شبل الهيلا أبداع في ابداع واصلو والله معاكم

[مازن الشيباني]

كبتن عتيبه

سلام دام العيد باقي له نهاريـن=حبيّت أعايدكم قبل عيد الضحيّه!!
والمدفع اللّي تزهبونه يالشيابيـن=ماصاد قوم ولا رقدتوا من دويّه!!

شبل الهيلا

يامرحبا وانته من الربع العزيزيـن=اقلط واخذ فنجـال دلـة شاذليـة!!
مدفاعنا مصنـوع ضـدٍ للمعاديـن=عانة محطم يابيض الشارب سرية!!

كبتن عتيبه

يالاد شيبان اشتهرتـوا بالسكاكيـن=مافيـه شيبانـي ماعنـده نافعيـه!!
مدري على ايداكم نحصّل نصرة الدين=والاّ على ايداكـم تعـود الجاهليـه!!

شبل الهيلا

رمز الشجاعة للرياجيل الشجيعيـن=مير انتبه ....والنافعية في يديـة!!
الجاهلية ميته مـن عـام عشريـن=من سيف اخو نورة زعيم اليعربية!!

[مازن الشيباني]

كبتن عتيبه شبل الهيلا

صحت السنتكم

[كبتن عتيبه]

الله الله


واسف على التاخير...

حنّا مانبغى واردات الهند والصين=نبغى نجيب الماركات العالميه!!
مهما مدحتوا نجد ياصحاب البعارين=يبقى العجاج يعج في نجد العذيه!!

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[مشاري الشيباني]

طيب طيب

ياطير ياطير السعد رف الجناحين=مادام والله ماعلاك,,, ولاعلية!!
المجد,,,والتاريخ (في نجد السلاطين)=مهما العجاج تعجها صبح وعشية!!!

[كبتن عتيبه]

الله الله

لا بد من يومٍ تقرّ ابه الموازين=حتى تعرفون الصواب من الخطيّه!!
والهرج وانا أخوك ماحررَّ فلسطين=ولا اقلك الذمّه من الذّمه بريّه!!

[بروفيسور الهيلا]

شبل الهيلا
كبتن عتيبه
ياسلااااااااااااام
صحت الالسنه
والصف مايحتاج لكبتن عتيبه
ولا يهون شبل الهيلا

[مشاري الشيباني]

الله الله

تبغا نغنيها على (ياليل ,,ياعين)=والا نغني باللحون السامرية!!
لولا,,ولولا,,كان قد ذقت الامرين= مير احتموك اهل الوفا واهل الحمية!!

[كبتن عتيبه]

شبل الهيلا

صح لسااانك



واستاذنك الغالي





وكل عام وانت بخير



تحياااتي

[مازن الشيباني]

شبل الهيلا
كبتن عتيبه

ابدعتما , , , وسلمتما , , , ودمتما