ابن شايق والعضيله من المقصود ( حبيب العازمي او الهاجري )

[ابوتيجان]

المشاركة الأصلية كتبت بواسطة ابو فايح

ابو تيجان والاخوان اللي يقولون المعنى سلطان الهاجري


خلونا نتناقش بهدؤء ونستفيد من بعضنا

اولا : لاشك ان من بدأ بالمعنى ابن شايق

وبداية الامر ليس من مصلحة ابن شايق طرح هذا الموضوع


اما لو بداية المعنى من زيد ربما نقول ان الحق معكم


ثانيا :

من هم العدوان الذين يعتبر ابن شايق الصداقه معهم ذل ورخامه ؟؟

من اسرائيل ؟؟

ماهو الماقف الذي تركه ابن شايق حسب كلام زيد وانه من يترك ماقفه جبان ؟؟؟



سادلي بدلوي معكم






ابن شايق


الضعافه مصيبه والمصيبه ندامه
والصداقه مع العدوان ذل ورخامه
والحرابه مع اسرائيل عز وكرامه
كم ظلمنا مديح وكم مدحنا ظليمه


ابي قاف(ن) مثل فعل الفديع وذيب ابن هـدلان
عسى ارواح الثنين يعوضها ربـي ويرحمهـا
خذوها القوم غدر ولا خذوها القوم شوف اعيان
ابا اصحح مفاهيم الهمـج والطـوب يفهمهـا

العدوان : حبيب العازمي ومن معه

اسرائيل : رمز للمرقاب ومشاركته فيها وهو رمز كلي للمسابقه والدليل بدايته في ذكر الامير سلطان



زيد العضيله

ان قلتها من سطر وان قلتها من حرافه
مانقول الك هاذي يالمؤلف ضعافـه
والمواقف ثمينه والتواطـئ ضعافـه
كم ظلمنا مديح وكـم مدحنـا ظليمـه


اخذت من الدهر عبره وشفت الزود والنقصان
ولا عـلا مكانـات الرجـال الا قدايمـهـا
يقولون الرجال اللـي يخلـي ماقفـه جبـان
ليا منك قدرت الـروؤس حلقهـا لاترحمهـا

زيد يقول لماذا لم تصادم الرؤؤس وتشارك هذا يعتبر ماقف يشرف الرجل .





بعدها قال ابن شايق
انا شعري ماهو ببضاعة(ن) تشرى من الدكان
واطلع رقم وارسلها واكلـم رقـم وازهمهـا

وهو اشاره لطريقة المسابقه
وهي ارسل قصيدتك ونحكم عليها

حياك الله يابوفايح وحتى اوضح اكثر بن شايق معناه واضح ولاهوب غامق لان فيه اشارات ذكرها الهاجري في قصيدته وتطرق لها بن شايق ولو قصيدة الهاجري ماسمعناها لاتفقت معك في تحليلك

وانا اتفق معك ان طرح القضية مع زيد غير مناسبه ولو كانت مع احد شعراء قحطان وبالذات القرقاح لكانت بشكل آخر لان زيد حاول الابتعاد عن التطرق للقضية.


والذي يثبت ان المقصود لايخرج عن قبيلة قحطان هي بداية بن شايق:

ترا شعري خساره كان شعري ما نفع (قحطان)=بدون اهضم حقوق الناس (يا قحطان) واظلمها

هنا ابن شايق يوجه الرسالة لقحطان لان الهدف يخص قحطان ولايخرج عنها


الأمر الاخر

يقول الهاجري في رده على الشيخي:

ومهما تغنى فيه حتى لحون (اريام)=ورغم كل مالافيه وده ولا هاته

وفي احد بيوت بن شايق يقول:

(تقول اريام) اقول الله يرحم مريـم الغضبـان=ولو ماتت على دور السنـه تنفـخ براطمهـا

وقولك:

ثانيا :

من هم العدوان الذين يعتبر ابن شايق الصداقه معهم ذل ورخامه ؟؟

من اسرائيل ؟؟

ماهو الماقف الذي تركه ابن شايق حسب كلام زيد وانه من يترك ماقفه جبان ؟؟؟

يقصد بالعداون شعراء المحاورة وان الهاجري يجاملهم بدل مايتهجم عليهم لان بن شايق في محاوراته لايجاري على معنى بل على المكشوف بشكل مصادمة بعكس الهاجري الذي يعتبره عندما يجاري الشاعر الاخر نوع من المجاملة والضعف وسرائيل هم الاخصام في ساحة المحاورة.

ورد زيد العضيلة كان على مفهوم بن شايق ان المحاورة مخاصمة ومصادمة وقال زيد في مواله ( ان قلتها من سطر وان قلتها من حرافه=مانقول الك هاذي يالمؤلـف ضعافـه) وقصد زيد ان الملعبة في الاساس مجارات الشعراء الاخرين بدون الهجوم عليهم وهو ليس ضعافه كما تعتقد
ولكن عندما تتعرض للهجوم من شاعر لاتترك ماقفك وهذا في بيت زيد( يقولون الرجال اللـي يخلـي ماقفـه جبـان=
ليا منك قدرت الـروؤس حلقهـا لاترحمهـا)


وبخصوص بيت بن شايق:

انا شعري ماهو ببضاعة(ن) تشرى من الدكان=واطلع رقم وارسلها واكلـم رقـم وازهمهـا

ذكرت ان هناك من يقول ان سلطان باع بعض قصائده وطلع رقم وارسلها واكلم رقم وزهمها يقصد بن شايق مسابقة العرب واخذ سلطان الهاجري المركز الاول بالتصويت وليس بقوة الاشعار




ولذلك لا اعتقد ان لحبيب وقنات المرقاب ومسابقة سلامة سلطان اي دخل هذه وجهة نظري واعتقادي



وعلى فكرة بن شايق اخذ الطاروق كله للعتب على سلطان فقط بدون ان ينقض ويفتل وكانه وحده في الميدان حتى ان زيد تذمر منه وقال في مواله:

ما يفك الرهينه غير حامـي الرهينـه
ليش عنها تؤخر وانت راعي السفينه
وان رضيتوا مصيبه وان سكتوا غبينه

يقصد اني امشي معك ( ياراع السفينة ) وانقض ولاتصيغ ابياتك على حسب ردود الشاعر المقابل ( ليش عنها تؤخر )

آخر تعديل ابوتيجان يوم 23-Nov-2009 في 07:22 PM.