لاقلت تكفى

[محمدعبدالله الشهراني]

ياالله عسـى ماينتخيبـي اعتيبـي = وحبال دلوي ماتجي جمـت البيـر
هل موقـف مافيـه شـكٍ وريبـي = وهل فزعـةٍ لاماتبـي زود تبريـر
عتبـان لنومـاس فخـرٍ وطيبـي = وتكفى تثمنهـا وجيـه المناعيـر
لاقلـت تكفـى نخوتـك ماتخيبـي = اتثمن النخـوه ومردودهـا خيـر
شهادتـي ربـي عليهـا رقيبـي = ينطق بها السانٍ يعسف التعابيـر
ومدحي لهم ياناس مافيـه عيبـي = المدح في الهيلاء يـزف التباشيـر
وسمان خوتهم ترى مـن نصيبـي = وعجفا العتيبي عندي اتساوي ابعير
اف وصيت (عبدالله)ا بليـا نديبـي = في صحبة العتبان لا ياخذ اشويـر

الشاعر/ محمد عبدالله الشهراني

(رمثي رحيمه)

[ابورازن فالمريخ]

لاهنت وصح لسانك وماعلاك زود

[محمدعبدالله الشهراني]

ابورزان
صح ابدنك
ولاهنت على مرورك
شكا على مرورك

[ابن صنهوت]

صح السانك وبيض الله وجهك وماعليك زود

وحياك الله بين اخوانك

[محمد الشامان الحشيبري]

تستاهل الطيب ياراعي الطيب مرحبا صبي شهران عند أخوانك العتبان

[احمد منير الواصل]

صح السانك والله ومعاليك زود
وحـــــــــياك الله بين اخوانك يالشــــــــهراني

[جابر السلمي]

صح لسانكـ ونجح قلمكـ وصدق فمكـ
تحياتي

[بجاد ابوديه]

صح لسانك ولاهنت يستاهلون وانت تستاهل الطيب

[محمدعبدالله الشهراني]

الاعزاء
صح الله ابدانكم جميع ولاهان مروركم العطرالذي
اسعدني ومن خاوى العتبان من غيرنقص في جميع
القبايل مايلقى الاالطيب
تقديري

[الصويت الثبيتي العتيبي]

صح السانك وبيض الله وجهك وماعليك زود