سلطان الجـذع
تعال يافواز ابا اناقشك واعيد الشريط = واحاسبك فالكلمة اللي ماحسبت حسابها !!
لعتيبة اقف و وفها التبجيل وانته ماتحيط = واخفض جناح الذل خوفٍ من شديد عقابها !!
فواز السعيدي
احذر ترى القرش الغليط يروح بالمال الغبيط = هاذي حقيقه ماتزعّلكم لكن ارضابها !!
هاذي الدراما كلها (ناتج غضبك المستشيط) = ظاهر لسانك من جماك (تقولها وتهابها) !!
سلطان الجـذع
انا ادري انك فالعلوم الناقصه ماانت ببسيط = مير القوافل مايغيّرها نبيح كلابها !!
لكن ابا ألحم فيك مصقولٍ جروحه ماتخيط = لو اني اسكت عنك في هذي تبا تضرابها !!
فواز السعيدي
واندري انّك في علوم المرجله (منته نشيط) = مثل الذياب تحكّ اعقوبها باذنابها !!
انا رميت القنبله وانا على وسط المحيط = وانته هنا يابا الثواري تاترد اركابها !!
سلطان الجـذع
فالمرجلة وافي فعل واقول ولساني سليط = وانته ترى اسمك يالسعيدي ماورد فكتابها !!
انته مع الهذلان قلبك ينبض ودمك خليط = وانا عرفت الحاجة اللي تنسبك لانسابها !!
فواز السعيدي
كلمة (سليط) الله يبارك فيك معناها (خريط) = وان ناسبتك الله يبارك فيك لاتضرابها !!
اناعريب جدود راعي جود ولّا انته قطيط = بعض المعاني لاتشرّع يمّكم بابوابها !!
سلطان الجـذع
الا والله رحت مع موج البحر روحت مقيط = يانعنبوها اللحيةٍ اللي ماتسر اشنابها !!
الكلمة اللي قلت علقها على عنقك بخيط = في كل حال تناسبك وانته تراك اولى بها !!
فواز السعيدي
انا كويتك فالعلابي لاتعابط ياعبيط = ناسٍ تعابطنا لياقمنا ندوس ارقابها !!
يادبرة الله قامت اسنون العرب تقرط قريط = فيها شجاعه بس مدري كيف تاتبدابها !!
سلطان الجـذع
سبحانه اللي مرخصٍ جانبك يالوجه السخيط = القوم في دربك وطت اقدامها وركابها !!
ان كان تبغى العتق مني لاتدور لك وسيط = الارض تحت اقدامي الثنتين حب ترابها !!
فواز السعيدي
مايرخص الّا واحدٍ غلطان في لبس المخيط = الوت به الدنيا نكد مدري رخص والوابها !!
لاشفت زولي ياجذع .............................. = لكن عوّد مانبا جلبتك ياجلّابها !!
سلطان الجـذع
اللاش لاش ان كان جات اللحظة الحرجة يشيط = وهوه سوات الصيدة اللي في حلوق ذيابها !!
ليتك تخلي بينك وبين العرب عازل وحيط = على هذيل اسمك فضيحة فالزمن يحكابها !!
« آخـــر الـــمـــشـــاركــــات »
09-Nov-2009, 09:37 AM
العرض الشجري