سلطان الجـذع
ياسعود ركز فالعلوم اللي تجي من كل نوع = وارفع نظر عينك على القمة وفل حجاجها !!
اللي تحرى فزعتك يوم المثارا والفزوع = نسي انها من دونك .... عتيبة ثمان افواجها !!
سعود البرقاوي
آقول ياسلطان هات العلم وتزين الطبوع = في ليلةٍ غاب القمر فيها ومات سراجها
الشيخ من دونه عباريد البنادق والدروع = واللي جروحه نازفه يعرف يجيب علاجها
سلطان الجـذع
من فيه المرقاب فكر فالنزول وفالطلوع = الاوله تحتاجها والثانيه تحتاجها !!
انا ذكرت اللي لفى واحد وقمتوا له جموع = ترى المذله مايفك الخايفين سياجها !!
سعود البرقاوي
شفنا الحراج اللي يسوىّ ياولد يوم الربوع = والناس مانسعى لجرح شعورها واحراجها
وانا ذكرت اللي يجر الصوت ويهل الدموع = كنه خلوجٍ زاد في تال الليال خلاجها
سلطان الجـذع
كلٍ يقول التاليه ماهي بلي لو مت جوع = لو المصانع داخل الاسواق زاد انتاجها !!
اثرك تذكرت النخيش اللي به الصف مخدوع = وانته على حده ...ونفسك ضيعت منهاجها !!
سعود البرقاوي
تراك راعيها وانا رجال بالقسمه قنوع = ان جات ... والا قلت ياربي عليك افراجها
حاول تصرّفها بعد صابتك من بين الضلوع = المعذرة ياللي مع الروقة تحوش انعاجها
سلطان الجـذع
من لايعرفك يجهلك ... يهرج شهر والا اسبوع = ترى الهروج العوج مرجعها على هراجها !!
انت قلت حرّاس الدجا وان قلت حماّل المتوع = احسب حساب الكلمة اللي فوق راسك تاجها !!
سعود البرقاوي
ياراعي الدلة ليا هالحين ماجبت القدوع = الواجب انك تِكمل الحاجات ياحواجها
هذا الجذع في عيد ميلاده يشبون الشموع = حتى طلع له نجمةٍ محدن يعرف ابراجها
سلطان الجـذع
اللي يضيع يالنفيعي فالذهاب وفالرجوع = لو مر تيماء مايبل الكبد من هداجها !!
خلك تحت فيه عصايه وامش مع ممشاي طوع = ومعاملتك الاولة جوّد قفول ادراجها !!
سعود البرقاوي
اهل الهوى كل يلد العين فالبنت الفروع = لكن عسى الله يجمع الازواج عند ازواجها
عزالله عن علومك زيييد صكيت السموع = من يوم بقعا فوق راسك نزّلت مدباجها
سلطان الجـذع
اللي تعدت ياوسيع العرف وعيونك هجوع = مانته بجايب علم مسراها ولا معراجها !!
ماهو بشرط تعامل البنك الرئيسي والفروع = افريقيا مرجاع جوعاها لساحل عاجها !!
سعود البرقاوي
ماودنا نقطع من النخلة جذع والا جذوع = والا الامور نشوف مدخلها مثل مخراجها
خذها ليا دور السنة واذهن عن السكه تتوع =لاعاد تسبح غبةٍ تضيع وسط امواجها
« آخـــر الـــمـــشـــاركــــات »
06-Nov-2009, 08:58 PM
العرض المتطور
