قصيده في حفل الشيخ فهد بن عبدالعزيز بن جامع

[ضيف الله الغنامي]

هذه قصيدة الشاعر فالح بن نقا الغنامي

في حفل زواج الشيخ فهد بن عبد العزيز بن جامع

ابلغ كلام اللي يكون امن الضمير الى الضميـر = وبيض الضماير صادق اشعـور الغـلا ينتابهـا
لو المهم امن الدعاوي غير والموضـوع غيـر = تشرفي بالدعوه اللـي حـض مـن يحضابهـا
ولبيتها تلبيـة الاخـو لواجـب اخـوه الكبيـر = يـوم الوفـا حـقٍ علـي بلحيتـي واشنابـهـا
اذني اوفـي لـو مايوفـي قليـلٍ فـي كثيـر = باللي يعذرنـي مـن اسلـوم العـرب وآدابهـا
وهذا محلي من زمـانٍ فـات لليـوم الاخيـر = والـي الفخـر زال القبايـل تفتخـر بانسابهـا
ومبروك حفلك يافهـد والله يتمـم لـك بخيـر = ومبـروك ياجامـع زبـون الاولـه كسابـهـا
ومبروك يا كل الجوامع من كبير الـى صغيـر = يااسمن كساها العـز والنومـاس مثـل ثيابهـا
ويقودني على حضورٍ عندكـم سلـك الحريـر = فاللحظه اللي مـن غلاكـم خاطـري حيابهـا
وهذاه ميقافي وانا في حـزة الموقـف جديـر = واللي يثمن قيمـة الموقـف يحسـب احسابهـا
واقولها باسـم القبيلـه مثـل قولـك يالاميـر = على اتباع الفطره اللـي فيـك وانـت اولابهـا
يامرحبا ترحيب رافق كل شخص امن المسيـر = وحياكـم الله فـي بيـوت ماتصـك ابوابـهـا
واقل من ماجوبكم لـو تفـرش البيـدا حريـر = يااهـل وجيـهٍ كـل مـن قابـل لهـا هلابهـا
لن الرجال احقوقها اكبر من طلـي والا بعيـر = احقوقها اكبر من جبـال المملكـه واهضابهـا
ياضيوف من يسخون لحقوق المسير والقصيـر = الفزعـه اللـي فالطلـب يبدابهـا ويعدابـهـا
اسلالـة اللـي قـلٌ ماجالـه شبيـه ولانظيـر = راعـي يميـنٍ ماتليـق الطايـلات الـلا بهـا
ياكم دعاله من سجين وكـم دعالـه مـن فقيـر = ستر الهنوف اللي زها بيض الكفوف اخضابهـا
عسا مقره في جنان الخلد عـن نـار السعيـر = وتبقـى عيالـه بالوصيـه مثـل ماوصابـهـا
والمجد شيمة ربعي اعتيبه هل السيف الشطيـر = قبيلـةٍ نـادت علـى التاريـخ ليـن اجابـهـا
يوم الدير كانـت معالمهـا عبـوسٍ قمطريـر = وارضٍ مهالك توحش الطرقي جيـاع اذيابهـا
سمع بها حتى الاصم وابصر بها حتى الضرير = والخيـل مـن خيالهـا والنـار مـن شبابـهـا
وان جات للحشمه من الحشمه لها الحض الوفير = وان جـات للهيبـه صناديـد الطغـاه اتهابهـا
اقولها لـو كـل دارٍ مـن رجالـه فيـه خيـر = وحياة من يهضم حقـوق الخلـق وش يبغابهـا
واليوم حنا اخوان في حال اي ظرف ومايصير = عقب الفتن بيـن المخاليـق انطفـى مشهابهـا
تحت قيادة مـن يحـارب كـل شـرٍ مستطيـر = على خطى من شيٌـد الدولـه ومـس اطنابهـا
الشجره اللي يستظل ابهـا ليـا اشتـد الهجيـر = واجبالنا اللـي كـل ماشـان الدهـر نلجابهـا
وانقولها مع قول ابو متعب اليـا قـر القريـر = الحيـه الرقطـا تمـوت وسمهـا فـي نابهـا
وصعب الامور اليا دعا الداعي نشوف انه يسير = وشيمة هل الارهـاب مـن يجتثهـا بارهابهـا

[عبدالله الجـــذع]

والله ونعم بالشيخ فهد

والله يرحم عود جابه

وصح لسان الشاعر الغنامي


لاهنت

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

صح لسااان الشاعر الرائع / فالح الغنامي


قصيده رائعه ويستاهلون الممدوحين ..


لاهنت على النقل يالغالي

تحيتي
..

التوقيع

للتواصل عبر twitter تويتر al_bargawy@

[فهااد]

قصيده جزله من جزل ويستاهلها فهد بن جامع

[ابورازن فالمريخ]

والله ونعم بالشيخ فهد

والله يرحم عود جابه

وصح لسان الشاعر الغنامي


لاهنت

محبك