علي فلاح العضياني
ابو مالك محمد شاعرٍ له عنندنا تقدير=هلا يا مرحبا بك يا محمد صافي النيه
طريق الشرّ ما يمشيه رجالٍ يحبّ الخير=قلوب الناس ماتت كلّها و أرواحهم حيّه
محمد بن رشيد
كلام الناس غير وعلمك اللي جايبه لي غير = يدوم الك البقا يالشاعر اللي تحتمي الهيه
طريق الشر مايمشيه غير اللي يعكس السير = لكن للخير فـ / اوجيه النشاما بان ماريه
علي فلاح العضياني
ليا قصّرت في واجبك ,,, منّا ما حصل تقصير=كتاب الله دستور الشريعه فالسعوديه
سليم إتحدّنا من غرب واللي من شمال مطير=و حنّا روق أهل وسق القرى و الارض روقيّه
محمد بن رشيد
مايبقى الا على جارك ولد عمك ياعلي اتغير = وحنا عندنا غير الرسوم اصكوك شرعيه
والا ياربعنا ماتتركون الزور والتزوير = طمعكم لايدهوركم ترى مافيه ماويه
علي فلاح العضياني
رسومك حدّها الزالع و يمّ القاع ابو معصير=تراني عارفٍ معالم الارض الطبيعيّه
و الا يا ربعنا مال النصيحه عندكم تاثير = مع العجله يجي فيكم على الشرّ إندفاعيّه
محمد بن رشيد
والا ياكبرها ياعبرها ماللخطا تبرير = لكن اثر الطماعه دايم ٍ تغري الحراميه
منول لن غدى لك يمنا يابن فلاح ابعير = ماتقدر تاصله واليوم لك فزعه وجاهيه
علي فلاح العضياني
ترى اللي صار و الله ما احسب إنّه من طرفك يصير=و ترى الروقه تحمّلك الخطا ميتين بالميّه
يا جساس ابن مرّه وش مقامك مع مقام الزير=ليا جت للتحدّي و الشجاعه و الفروسيّه
محمد بن رشيد
لياماصار لك حدّ ورسوم بينات وبير = ترى ماعاد لك يالمزحمي فالارض ملكيه
ترى مالك فعول اتعدّ غير العبد فالخنزير = ياراع البارق اللي قصته مع كل طرقيه
علي فلاح العضياني
أبشّرك إنّ ملكي ثابت أثبت من جبال النير=لكنّ انتم ديركم في تهامه يالتهاميّه
بيارقنا تحتها روق في عزّ النهار تسير=ينومسني مع العتبان تاريخي و طاريّه
محمد بن رشيد
لاتزعلنا علاك ونقطع التوريد والتصدير = ونحدّك لين ترجع للبهيته واليمانيه
مزحنا مع بعضنا والمعاني ماتبا تفسير = عساها حسنة ٍ ياربعنا ماعقبت سيه
« آخـــر الـــمـــشـــاركــــات »
01-Nov-2009, 08:00 PM
العرض العادي
