الاد روق أهل الفخر والجماله

[ولدعساف]

مزنٍ نشاء من روس عالي اجباله * خيل على الانصروهاك الاراضين

خيل على الانصرحقوقٍ خياله * وامطرعلى ابن حميد هو والشيابين

وعقب أدبحو جاء فزعةٍ من شماله * بلاد روق مرجحين الموازين

مالوعلينا ميلةٍ بحتماله * حنا سناعيسٍ وجونا سلاطين

جونا كما سيلٍ حدربجتواله * يقدونهم فوق الجياد الرباعين

الخيل جاها من سناهم جفاله * مقاود الهيجا سعوط المجانين

من ضرب أهل عمهوج رحنا دباله * مير أقمحن يالابسات السباهين

ماكن ضربه في جماهي رجاله * قنيب ذيبٍ في طويل الضلاعين

وابن محيا ضايقونا عياله * من فوق قبٍ كنهن الشياهين

جونا هل الحردا بحيله وحاله * ماهبو الطابورخلوه قسمين

بشلفٍ مضاربها سواة الدحاله * منها جياد الخيل راحت حراذين

وشبت شبايبها وراحت شعاله * وعارض حرايقها مهارومتاقين

ورجنا وراجوفوقنا بالعماله * والهوش طال وتالي الفعل جاء شين

الاد روق اهل الفخروالجماله * عجلين بالردات مثل الشياطين

كلآ ينادي بالقشر من قباله * لان ادبحو شمر وراحومطيعين

واللي رجع معنا توامى حباله * غيرالقلايع فوق خمس وثلاثين

والحرب عقب اليوم وش نعباله * ان كان ماهادو ترانا مهيدين

عقب أبلجن ياعبيد سمحٍ أقباله * عاقوه فرسانآ على الموت جسرين..

ونعم في ربعي روووووووق مرجحين الموازيين ونعم في بني عمنا برقا وصح لسان قايلها وناقلها

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها