فواز السعيدي
سلام بعد العيد الاصغر يسبق العيد الكبير = عساك يامعجب لياجا عيد ضمن الطيبين !!
تعال يامعجب نسولف والليالي تستدير = جيل الشباب نشجعه مادام مات الاولين !!
معجب العتيبي
يامرحبا ترحيب وافي من هواجيس الضمير=قدام يبدا العيد عقب العيد والخافي يبين
لاصرت والم يالسعيدي شد حيلك للمسير=وابشر بخوة واحدٍ في جنبه الطرقه تزين
فواز السعيدي
الي هدف وادوّره حول المساعد والمدير = امّا لقينا اهدافنا ولا عسى ربك يعين !!
الجسم لايمكن يعيش ابلا شهيق ولا زفير = واليا بغيت احرجك قلت " اصحابك الغالين وين " !!
معجب العتيبي
ان ضاعت اهدافك يبالك يالسعيدي تسنير=من راي واحد ياوسيع العرف والا من ثنين
فالاوله ياصاحبي منته عن المعنى غرير=والثانيه لازال جنبي من فضل ربي متين
فواز السعيدي
وش يستفيد اللي يقود اصوير ويصافح عوير = ناسٍ على نياتهم وضعيّفين وطيبين !!
ودّك تزيد الحمل حتي ينقصم ظهر البعير = واليا انقصم ظهر البعير انباح يالحرز المكين !!
معجب العتيبي
فالمملكه مافيه فرقٍ بين دمام وعسير=ارض البلد وحده وسكان المدينه مسلمين
ان كان حسيت بتعب والظهر في وضعٍ خطير=اخفف حمولٍ تزيد الدين فوق الدين دين
فواز السعيدي
اهرج عن السودان واوضاعه وتهديد البشير = لوّ البشير سياسته ماردّت المتسلّطين !!
خل الجمل شقران يرغي عقب ماجاله هدير = الله يعينه للحمول اللي تروع الغافلين !!
معجب العتيبي
ماقلت قبل الدرب يارجال لازم تستخير=والا لحقك من الكبر نسيان واصبحلك ونين..؟
ياللي رضيتوا بالقليل اخذوا من الشي الكثير=مادام فيكم واحدٍ لاجاته الكلمه فطين
« آخـــر الـــمـــشـــاركــــات »
15-Oct-2009, 10:35 PM
العرض الشجري