عقاب العنزي
سمعنا عنك علم ٍيابن عاصي مير قرّب جاي = تحاول تلغي حبيّب وتخطف منه جمهوره
يقولون العرب عيد المبدّا من سديد الراي = اظنه فني المونتاج مدري فني الصوره
العازمي
حبيب فوق مثل النجم في وقت الدجى جلاي = وهرجك عنه مايسعفك لو تقلط على سوره!!
خطاك انك بعد ياعقاب ماقمتلك احث خطاي = تسد اللازمه والا تعوّد حيد سبوره!!
عقاب العنزي
هذا هرجك ماهو هرجي وانا مازل في ممشاي = لكن اعمتك يالروقي شهادة مجلس الشوره
تقوله مير كوعي ماتحرك شبر عن مركاي = اذا لك صيت فالطايف ماتدري راس تنوره !
العازمي
قصر فكرك عن المضمون مير آقول يامشكاي = يبالك مع رجال الفكر تاخذلك مية دوره!!
تعرّض صيدة الحزم البراح لبندق الرماي =بدون سلاح صيده في شمال الدار مقدوره!!
عقاب العنزي
اذا انك جبت كل اقصاك انا ماجبت ربع اقصاي = لكن اشره على اللي ساعدك واركبك بابوره
انا ماني بطير ٍ لجل تقدر بندقك شرواي = انا لي عام والعتبان منفعله ومقهوره
« آخـــر الـــمـــشـــاركــــات »
11-Oct-2009, 04:00 PM
العرض الشجري