محم النخيش :
يامرحبا بالشاعر اللي غيبتـه طالـت كثيـر=طالت كثير ومثله وشـرواه شيـن اغيابهـا
وش سبة الغيبه عسى اللي مانعك يالقرم خير=القـوم عـزك والكرامـه مايقفـل بابـهـا
عبدالمجيد العطاوي :
دام البقا بالصاحب الليّ عندنا قدره كبيـر=من عادة الاصحاب ماتنسى حقوق أصحابها
انا مريّح فالغيـاب اللّـي تقولـه يالأميـر=وانت متربّع لك بخبرة ظاهـرٍ لـك دابهـا
محمد النخيش :
لازم تبرر غيبتك تبريـر قـدام المديـر=لعل يرضا بالعذار اللي معـك نرضابهـا
انا على الميقاف ماهتم في عوض ولامنير=يوم انت غيبتك الاخيره ماحسبت حسابها
عبدالمجيد العطاوي :
انا معرضها توامي فالهبوب اومـاي طيـر=اليا بغيت آجيبها .. واليا بغيت ابـدا بهـا
اعرفك .. لكنّ التهاون فالمواقف مايصيـر=حط الحطب فوق الحطب .. والنار يا شبّابها
محمد النخيش :
لاوالله الا هاتها واسبح مع البحر الغزيـر=مير احترص تضحك من البلوه وثم تبلابها
اجل تحزم واحتزم اما هذيل امـا مطيـر=لابارك الله فالجمال اللي تعـوج ارقابهـا
عبدالمجيد العطاوي :
الظاهر انّ الربع فغيابي عطوك من العصير=واللّي شرب كاسه .. يضيّع هرجته ماجابها
ابى احتزم وان مرّ بي يومٍ عبوسٍ قمطرير=اشره على اللّي مايورّدها على مضرابهـا
محمد النخيش :
شربت من عد الروى سنام اكلت من البعير=وانته حلبت امن المنيحه ماعطيت احلابهـا
ترى الجبل فيه السبع فالوقت الاول والاخير=مير انت شكلك ماعرفت انمورها وذيابهـا
عبدالمجيد العطاوي:
رجلي تعرف دروبها ومورّدتني كـلّ بيـر=بير الرها تروا بها .. والملح ماتروا بهـا
اخذ الحذر ترا مكاويها على الضلع القصير=وراع السيوف المرهفة لازم يشدّ انصابها
محمد النخيش :
هذا كلامك يالوزيـر الله واكبـر يالوزيـر=كرسيك لازم تحتميه امن العرب وانشابهـا
لالايهمك صاحبك راسي كما الضلع الشهير=خلك تحت ظل الجبال اللي كبار اهضابهـا
« آخـــر الـــمـــشـــاركــــات »
04-Oct-2009, 12:49 AM
العرض الشجري