ارتكى لسياج عوج الحنايا وكسره

[فايز بن سرحان الثبيتي]

المشاركة الأصلية كتبت بواسطة مبارك السبيعي

جال هاجوس الضماير من البارح رنين = طاري سلط على القلب خمه وغدره
قمت من نومي مااعرف اليسار من اليمين = لين نور الفجر بين شعاعه وسفره
احسب انه بين الاضلاع في حصنن حصين = وأثره أمحق مثل طيرن على غصن شجره
راكب اللي لاانسل مثل زاروق البطين = العضود جسام والبدي مثل المسطره
الكراس اثنين ماتوسع الا راكبين = أجردن بطنه مصفح يقارب لظهره
كن كبوته سرير وتمثاله حلقتين = ماعليه من الحجر لو يشيله بنحره
لا وقف عند المحطه يعبي مصدرين = مركب الاشناب مايصلح لورع ومره
يمنك في العرق بامان رب العالمين =تضرب الفرجه لحالك وكن معك عشره
كان وصفه بين اسمه يابو قلبن فطين = هقوة ان الوصف واضح ولافيه غبره
منوت اللي له مع البدو شان الله يعين = في ربيعن معترض مابعد حت ثمره
شايفن بنت الهوى طول عنق ورمش عين = وأشقرن من فوق الارداف ينهال شعره
كن نهدها من ورى شيلته فنجال صين = ياخذ من الورد الاحمر جماله وزهره
بري حالي بيح الصبر كله والكنين = ارتكى لسياج عوج الحنايا وكسره

ياسلام ياسلام

مبارك السبيعي


شاعر جزل وابيات راقيه

صح لسانك يالقرم

...

اسعدتنا بمشاركتك وتواجدك بيننا


وفي انتظار ظهورك القادم

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن