حاكم الغنااامي=
يموت سحيم مالد عينه فالسما فـوق=غريبه مير ماهي على مثلـه غريبـه
على جرة هل الجيش سقنا زملنا سوق=دروب العز ماهي على مثلي صعيبـه
سحيم العصيمي=
عيون سحيم فيك انت يادواج فالسوق=صحيبً في الوعد ينتظر جيت صحيبه
هذاه الآدمي ياعجايب ويـن مخلـوق=يسولف والحنش مدخله في وسط جيبه
حاكم الغنااامي=
انا لو ماصرفت الذهب من جوف صندوق=رميت الكور وارخيـت بحبـال النجيبـه
نخيل المزنه اللي بدون رعـود وبـروق=تصيـب سحيـم ولا عساهـا ماتصيبـه
سحيم العصيمي=
تخير بين الامرين والمطرود ملحـوق=تودي علـم لاهـل البلـد ولا تجيبـه
تقرب راسك الموس وانته منت مطفوق=لكن الوقت وراك خبثـه قبـل طيبـه
حاكم الغنااامي=
تبا تضحك بالاشرم ولالك فمً و شدوق=وكل اللي على بالك تـروح تحكيبـه
الا ياراعي الموس راسك منه محلوق=تريـث وانتبـه للبعيـده والقريبـه
سحيم العصيمي=
طبيعه لو تجي محتشي وتروح مخنوق=وعلـمً مايجملـك قلـي وش تبيـبـه
انا من فضل ربي بخير وسالم العوق=لاكنك واصل الدرب من خلفك كتيبـه
حاكم الغنااامي=
تهد الطير والطير ماله وكر وسبوق=وطيرٍ ماله سبوق به شكـه وريبـه
تقوله وانت فوقك بدال الطاق مطبوق=عليك الحمل مدبول والطرقه تعيبـه
سحيم العصيمي=
ولا يامصر وشلون وضعك عقب فاروق=وانا خابرك تبحث عنـه مثـل الذهيبـه
عطيتك علم بس انت قلبك ليش محروق=تضيق وجرحك إيزيـد مايلقـى طبيبـه
ياسلام سلم
على المحاورة الرااائعه.
ابدااع من الطرفين.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
16-Sep-2009, 05:09 AM
العرض المتطور
