العووني=
سلام الله سلامٍ يمرس سعود العصيمي مرس=وانا اللي كل ماظل الطريق اجيه واحوسه !!
دروسي قاسية لكنه أأأبله مايحفـظ الـدرس=يقولون البلادة تعمي الطالب عن دروسه !!
سعود العصيمي=
هلا يامرحبا ترحيبـة تقلعـك قلـع الضـرس=تعرف سعود دايم وانت راسك من تحت موسه.
لكالله ماتمشيها علـى روم البشـر والفـرس=وهذه كلمة العوني وترجـع وسـط قاموسـه.
العووني=
والا ياسعود تعرفني مع الشعار شاعر شرس=خصيمي لاحصل فالعلم علم برجلي ادوسه !!
حشى لله انا مااقول مثل ام العيون الخـرس=ياليت سعود ياخذ لبسها وتشيل ملبوسـه !!
سعود العصيمي=
ترا هتلر بعد ماقال كوك افتر يخم الطـرس=وعندك علم في هتلر وعندك علم بطروسه.
ياليت ولو ماتنفع ولالك عندي الا الكـرس=ياراع الحبه الشقراء ترا حبتك محموسـه.
العووني=
مااعرف الا غصن سدرٍ غرسته في ديارك غرس=وعلى مااذكر وزانه شجرة الريحـان مغروسـه
ابا اراجع بطون الكتب واقرا ويش قال الهـرس=عتيبـي والحقايـق منـه فالمذكـور ملموسـه
سعود العصيمي=
دياري ماتجيها لو يدور ابك العجل والترس=ياكيف افهمك ياعونيٍ طاستـك منكوسـه.
ابا اعلمك وانته راجع ايقول العمي والخرس=مع المطران واجد والعلوم اتجيك معكوسـه.
العووني=
ديارك ذيبنا قد حل فيهـا ثـم فرسكـم فـرس=وتراك اول ضحية في نحا السرحـان مفروسـه
ترى ليلٍ يجيبك يالعصيمي مثل ليل العـرس =عشان اكشف لك اللي من زمان العاام مدسوسه
سعود العصيمي=
انا مرسي كما مرس الجيل قدمك واقول الك ارس=ولكن كيف ترسي قـدم ابـو طايـل ونادوسـه.
قلعتك من مثاني نجد من تحت الـذرا والهـرس=لكنـك ماتريـح يالمطـاري كنـك السـوسـه.
« آخـــر الـــمـــشـــاركــــات »
العرض الشجري