مجموعة من محاورات حبيب العازمي

[الفراهيدي]

حبيب العازمي مع فلاح القرقاحي

الـــــقـــــرقـــــاحــــــي

سلامي على حكامنـا منبـع الجـود=هل الطايلة فـي حـر والا بـرادي

الــــــــعـــــــــازمــــــي

لياصرت قاصد خير فالخير موجـود=ولاالـشـداد الا عقـيـد الـشـدادي
والا يافلاح النقص ما يجبـر الـزود=تحدث وكفـك عنـد حيـد الزنـادي

الـــــقـــــرقـــــاحــــــي

عساها علومً بيض وسهـود ومهـود=وكـلً يعيـد بالثـيـاب الـجـدادي
أنا ماني بمقرود وان طـاح مقـرود=لعله مطيح الفـارس مـن الجـوادي

الــــــــعـــــــــازمــــــي

يقلون في الامثال حـاوي ومـردود=وانا اقول كانت واصبحت شي عادي
وصلك الخيال وقدمه ابروق ورعـود=وبكره يجيك السيل مـن كـل وداي

الـــــقـــــرقـــــاحــــــي

تقولـه وخلـق الله شعلـه وبــرود=يعرف الصياح اللي يعرف الهجـادي
الى ضاع من بين البعاريـن مفـرود=تسد الجمـال اللـي خطاهـا بعـادي

الــــــــعـــــــــازمــــــي

انا خابر الدخان يصدر مـن العـود=ولاكن حتى النـار تصبـح رمـادي
الا يافلاح ان كـان مـاراح مفقـود=وراء ما تجاوب يوم نـادى المنـادي

الـــــقـــــرقـــــاحــــــي

على الدرب دورية و ضباط وجنـود=لكـن ياحبيـب لا يطـول التمـادي
انا ما سمع الا صيحة الورع والعـود=صياح المهبل مـا يحـرك فـوداي

الــــــــعـــــــــازمــــــي

انا امشي على هوني ولاني بمطـرود=ولاني بـلا تايـه ولانـي بغـادي
ختام الكلام الموت حوضً ومـورود=عسى الله يهديكم طريـق الرشـادي

الـــــقـــــرقـــــاحــــــي

اقول اذكر الله كل مـا هبـت النـود=وطالبك لا ترخص طـوال الايـادي

حبيب العازمي و عبدالله بن عتقان

حــبـــيـــب الــعـــازمـــي

سلامي سلام مسيـرٍ يطـرق البـاب=على سايـر العربـان ماهـو بغـادي
أنـا ياكبـار سليـم للحـق طــلاب=أنادي ولا ادري من يجيـب المنـادي

عــبــدالله بـــــن عـتــقــان

هلا مرحبا ياضيـف مليـون ترحـاب=على سنـة الأسـلام والجـو هـادي
تنادي يأبو فيصل بدون أيـة أسبـاب=تراهـا مواقـف بالسيـوف الحـدادي

حــبـــيـــب الــعـــازمـــي

نعـد الليالـي مالهـا عـد وحسـاب=وبين البحـر والضلـع تسعيـن وادي
تشوف النجوم وتحسب إن القمر غاب=وأنا أعرف هبوبك حـر وألا بـرادي

عــبــدالله بـــــن عـتــقــان

ليا سلمت اللحيـه وسلمـن الأشنـاب=لا تسمع لنشـره عابـره فالـروادي
يجوز إن به ناسٍ يثيـرون الأرهـاب=يبون النصر يقضي علـى الإتحـادي

حــبـــيـــب الــعـــازمـــي

يازين المروه لو على قطـع الأرقـاب=وراع المطيـه محتفـظ بالـشـدادي
أنا مارتفع ضغطي على حرق الأعصاب=أعرف المنافـق والكـذوب الربـادي

عــبــدالله بـــــن عـتــقــان

وأنا مأعتبرت الرجل مخطي ولا صاب=ياليـت أعتقـادك يتفـق بعتـقـادي
تعجلـت يالروقـي بتاريـخ الأنسـاب=وأنا حاسب إنـك بالحيـاة أقتصـادي