عبدالعزيز بن جودان الرويس=
سلام ردية وفا تظفي على روس الرجال= رديةٍ من طيبها مايختلف مضمونها
اقلط يابن حمدان فالساحه بعد جالك مجال=والطيبه لا تنثني يابو محمد دونها
مرزوق حمدان العتيبي=
يامرحبا ترحيبة ٍ تبدي على روس الطوال = يالصاحب ٍاللي صحبتك مالي غناة ٍ دونها
جيتك وهات العلم والله يحفظك في كل حال = الطيبه نوفي بها وانتم بعد توفونها
عبدالعزيز بن جودان الرويس=
دام البقا مير الاجابه خلها بعد السوال=واعرف ترا ليلى تلد العين في مجنوها
انا ليقت الضبعه اللي تدرق سد الجبال=ضربتها بالنور فالغدرا وشفت عيونها
مرزوق حمدان العتيبي=
اثرك شاعر محترف صحيح مافيها جدال = عندك مواهب تبهر العالم بكثر افنونها
يومك لقيت الضبعه اللي مشيها حيد الظلال = وش فيك ماحطيت سهم الموت بين امتونها
عبدالعزيز بن جودان الرويس=
بعض السلع ماتعتبر عند النشاما راس مال= لو تنعرض فالسوق بريالين مايشرونها
انا بلشت بسلعةٍ لاهي حرام ولا حلال= طلبتها من مخزن التجار في كرتونها
مرزوق حمدان العتيبي=
مادام عندك معرفه بالسوق ياذرب الفعال =مالك ومال الهينه .. واللي بها يرضونها
اطلع على قمة جبل واتعب على زين الخصال = وبضاعة الجهال تقعد ثم يجيها ازبونها
عبدالعزيز بن جودان الرويس=
عينك تخيل البرق يامرزوق في كبد الخيال=والشر في وسط السحابه والخطر فركونهـا
لا تنجرف ثم تاقع اقدامك مع الجرف الهيال=ترا الذيابه فالجبـل قامـت تحـد سنونهـا
مرزوق حمدان العتيبي=
الشر مابه شر والموضوع وضعه عال عال=مار انت تدخلك الشكوك اللي رمادي لونها
انا عطيتك مختصر يكفيك عن طول المقال=والكايده عند العرب .... قدامنـا ياهونهـا
صحت السنتكم
وبيض الله وجيهكم
طاااروق رااائع
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
11-Aug-2009, 09:35 AM
العرض المتطور
