العمــــــدة
يا معجب الفارس اللي مــات نص أخوياه=ما ندري أولى عليـــــه الحرب وألا الدفن
قدامه أهل السيـــــوف ومن وراه الرماه=واخاف روحه بعد بكره تصيـــــــر الثمن
معجب العتيبي
يالعمده الناس تمشي مع ضرورف الحياه=الحي موجود والميت كساه الكفن
معجب ياعمده يقف في واجبه ماعلاه =بس انت قلي سواتك مع ضروف الزمن
العمــــــدة
عشرين تمثال لو تملى عيون الهواه=عند الملمات ماهي درع دون الوطن
من فرعة الذيب فالمرقاب تسمع عواه=يالله لعلك سليم من الرمي والطعن
معجب العتيبي
اللي عن الحق غط العين يقرب عماه=والشين ياصاحبي ماهوب مثل العفن
الذيب لاشافني ياذيب عوّد وراه=من خوف لايفقد العينين قبل الاذن
العمــــــدة
صلف الهوى هب والباكور وقته حناه=ما ينعدل لو بغينا ندهنه بالسمن
البحر دف الجزيرة لين شق القناه=وش عاد لو جات قدامه بيوت العهن
معجب العتيبي
الفقر ياصاحبي ماقارنه بالغناه=ولو طول الوقت بالثنتين ماوقفن
والبحر قدمه جبالٍ راسيات وصفاه=الا ان ربي يبا ينفعبه اهل المدن
العمــــــدة
الرجل يحتاج يا معجب حزام وعباه=ماهو لحاه مع الطرقه يسوق الضعن
مجنون ليلى بلي في حبها من صباه=لكنها شام والمجنون روح يمن
معجب العتيبي
من دور المجد ياعمده بنفسه لقاه=واللي يبا المجد عينه مالحقها وسن
مجنون ليلى يبا ليلى وليلى تباه=ياوجد حال المعذرب في زمان الفتن
« آخـــر الـــمـــشـــاركــــات »
08-Aug-2009, 04:05 AM
العرض الشجري