الاستـــاذ معجب العتـــيبي ........

[معجب العتيبي]

فواز السعيدي

سلام ردة مثل نور الشمس في نص النهار = ماهي مثل تال النهار ولا مبازيغ اوّله !!
الليله المعنى على الديره وحكّام الديار = ياكم جاهل بين خلق الله يسبب مشكله !!

معجب العتيبي

يامرحبا ترحيب في حلة طويلين العمار=اللي يعزون الخوي ويرفعون المنزله
ان كان عندك علم يافواز بيّن ويش صار=اشرح وخل الناس تفهم بالعلوم المذهله

فواز السعيدي

الجاهلية يوم كان الغزو مع قحص المهار = حتى منام الادمي لو دوّره ما حصّله !!
لا واحدٍ منكم يضر الجار وحقوق الجوار = واللي يبا يحذف جملنا نربطه فالسلسله !!

معجب العتيبي

فيما مضى يسعد ويفرح من يداريه الفرار=واللي يعادينا يقولون العرب يامجهله
ياسرع يافواز ماغيرت في خط المسار=نصيحتي لا لا يقولون العرب يامخبله

فواز السعيدي

حنّا هذيل الله يعز هذيل اهل شار ووقار =وانا خوي المجد ياصلني وازوره وآصله !!
انته ليامنّك بنيت الجدر ماهدّ الجدار = لك قسم وانا لي قسوم " اعرف طريقك وادهله " !!

معجب العتيبي

ماقلت فيكم شي لو ان البلد مابه مطار=ان كان طيارات ابن فرناس جات محوله
البني قسمك ياوسيع العرف والا ويش صار..؟=والهدم فوق الروس يافواز قسمي وازهله

فواز السعيدي

مادام هذا عرفكم " فاحسن عليك الانتحار " = يامعجب الله لايبارك فيك جبت القنبله !!
فتّش ملفّات الحقايق لين تلقون القرار = والجاهل اللي مايعرف العلم يقعد مع هله !!

معجب العتيبي

يا اصحابنا لاتلبسون الثوب دامه مستعار=سوالف العقال يافواز جات مقوله
لو الحقايق ياوليد الناس في غب البحار=تظهر مع الايام حتى لو تسبب زلزله