ذيب عروا =
مرحبا ترحيبتن ماتعرّف الانسحاب=كل مازادو عليها تزيد ابردّها
تملك الرحمه وتملك مفاتيح العذاب=وان بغيت اردها ماقدرت اردها
سلطان بن دحيم =
يالمرحب وين ترحيبتك يا ابو الشباب = يوم زرتك هاك الايام كانك قدها
ذيب عروا طال عمره ذكر ثم فك باب = مير فيه العين والله ما عاد الدها
ذيب عروا =
لاتلبسني ثيابك وتنقد فالثياب=البلا في كفك اللي عجزت اتمدها
وش يهم الحر الاشقر لياضاق الغراب=روح مرواح القطا والصداقه هدها
سلطان بن دحيم =
الله اعلم من هو اللي عن الاصحاب غاب = بس ما الوم العرب حسب منهج جدها
روح فالطقاق وان جيت لقمة ضرس ناب = كل كلمه يالمطيري تحصل ضدها
ذيب عروا =
انتها وقت الدلع وابتدا وقت الحساب=والنشاما امسيلمه مايغثرب عدها
انت لولا الذيب ماصار لك عز وجناب=احمد الله يوم لحيتك قمت اتكدها
سلطان بن دحيم =
الدلع ما هوب للي يهدون الصعاب = يالمطيري خل دمعتك تغسل خدها
انت يالشيطان حول على راسك شهاب = والا انا سيف(ن) يرد العدا ويحدها
ذيب عروا =
المطيري منزله فوق يامال الذهاب=اربع وخمسين من شاكلتك ايمدها
الهلالي مادرا عن علومك ياذياب=كل ليله ديرتك مستبيحن حدها
سلطان بن دحيم =
ياحمامه لولحي في مخاليب العقاب = ودها لكن ما هوب حاصل ودها
كل يوم نلحسك حد مصقول النصاب = وانت راعي ديرة(ن) مزحها من جدها
ذيب عروا =
يقطع الله واحدن لابدا اللازم يهاب=الضيوف اطرح عشاها وبكره غدها
تذكر اش سويت وياك فايام الضباب=يوم تسبح فالبحر والعباد اتشدها
سلطان بن دحيم =
اشهد انك صابر(ن) قدمنا صبر الركاب=كل يـوم نسجهـا ليـن تاكـل بدهـا
عايش(ن) في حلم والحلم يشبه للسراب=وانت 200 ال وقـت اللـزوم نكدهـا
ذيب عروا =
قدرنا ماتلحقه فوق هامات السحاب=فد روحك ياقليـل المعرفـه فدهـا
كل ما تطلق براطمك اوكلك التراب=لاتسولف بالدها وانت ينقصك الدها
سلطان بن دحيم =
كيف قدرك يرتفع فوق بجناح الذبـاب=كل ما تفتح عيونـك نجـي ونسدهـا
لو يهاب الذيب يا مطير من نبح الكلاب=كان ما والله تبيـح الشـواوي سدهـا
ذيب عروا =
هذا وانت رويس وتهوز كتّاب الكتاب=ماطّقعك ياوقت حتي الرخوم اتعدهـا
دام تدري فالجراوا ومركاض الذياب=ليه تنبح عندنـا والعيـون اتحدهـا
سلطان بن دحيم =
الرويس اللي منه عارضك غبر وشاب=تعرف الروسان ما منكم اللـي ندهـا
واضحه والناس يدرون بالعلم الصواب=مير روح والرسالـه لربعـك ودهـا
الدلع ما هوب للي يهـدون الصعـاب
يالمطيري خل دمعتك تغسـل خدهـا
انت يالشيطان حول على راسك شهاب
والا انا سيف(ن) يرد العـدا ويحدهـا
المطيري منزله فوق يامال الذهاب
اربع وخمسين من شاكلتك ايمدها
الهلالي مادرا عن علومك ياذياب
كل ليله ديرتك مستبيحـن حدهـا
ياحمامه لولحي في مخاليب العقـاب
ودها لكن ما هـوب حاصـل ودهـا
كل يوم نلحسك حد مصقول النصاب
وانت راعي ديرة(ن) مزحها من جدها
كيف قدرك يرتفع فوق بجناح الذبـاب
كل ما تفتح عيونـك نجـي ونسدهـا
لو يهاب الذيب يا مطير من نبح الكلاب
كان ما والله تبيـح الشـواوي سدهـا
ابك هاذي متى صارت
ذيب عروا
صح لساااانك
مبدع
سلطان بن دحيم
انت مسرف من جد الله لايحطني في نحرك
صح لسااااانك مليااااار
محاورة اكثر من راااائعه.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
25-Jul-2009, 10:31 PM
العرض العادي
