عبدالله الاصعر
سلام الله على الحضّار واخص الجذع سلطان=اخصّه بالسلام وبالتحيّه وسر ياساري
ليا حضر الجذع ليل المعاني ياجماعه زان=وانا حاضر ونار العز حيّه وسر ياساري
سلطان الجـذع
هلا يامرحبا ترحيب فوق الشعر والاوزان =أهوجس والقريحه حاتميه ,,,واسر ياساري !!
تبا تسري مع السرحان والا تقف للسرحان = بعد سيطر على نجد العذيه ,,واسر ياساري !!
عبدالله الاصعر
ولا يالفارس اللي ماتهاب القوم فالميدان=تسل السيف وعزومك قويه وسر ياساري
تقوله يالجذع لكن حنا فاللزوم خوان=معك في نجد خيال العبيه وسر ياساري
سلطان الجـذع
تحرص قبل تحسب مع ضحايا سيفنا شامان = مع الاسباب تأخذك المنيه ,,, واسر ياساري
حشى لله ,,, حنا ماتساوانا مع العربان = الاصعر لايحسب اني خويه ,,, واسر ياساري
عبدالله الاصعر
بعد هاذي نويت ارخيك ياعموج فالجذعان=مدام ان لك فعل بكل هيه وسر ياساري
صدقت ولا حدن فوق المعالي نافس العضيان=بعصر الدين ولاّجاهليه ةسر ياساري
سلطان الجـذع
كثر خير الذي من حر ماله يعطي الفقران = يمدك كل ماتكوى بكية ,, واسر ياساري
بلاش تدور وتلفلف ,,, خذ الكلمة على البرهان = تراكم فأخر صفوف السرية ,,, واسر ياساري
عبدالله الاصعر
انا والله ما دوّرها سلف مغنيني الرحمان=وانا والله مادورها عطيه وسر ياساري
على هونك لا يزهقبك قدم وعوّذ الشيطان=ترى مانته بصادق في هذيه وسر ياساري
« آخـــر الـــمـــشـــاركــــات »
21-Jul-2009, 11:22 PM
العرض الشجري