هذيل وعبدالله المسعودي !!!!

[ناصر حامد الثبيتي]

المشاركة الأصلية كتبت بواسطة عبدالله المطرفي الهذلي

[size=5]جميع اعضاء منتدى الهيلا
السلام عليكم ورحمة الله وبركاته
الاخ وحي القلم

انا هنا لا ادافع عن شعر هذيل ولا عن الشاعر عبدالله المسعودي لأن الشمس لاتحجب بغربال
فشعر هذيل من قبل عبدالله المسعوي انما عبدالله المسعودي امتداد لما سبقوه من شعراء قبيلته.
ولكن من سبق عبدالله المسعودي تكفيهم شهادة حسان بن ثابت شاعر رسول صلى الله عليه وسلم
عندما قيل له من هم اشعر القوم ياحسان فقال نفرا ام جماعه فقيل جماعه فقال هذيل وقيل نفرا فقال
ابوذؤيب الهذلي
وكتب الادب خير دليل وبأمكانك تراجعها
واما كلامك عن اسطورة المحاوره عبدالله المسعودي ف عبدالله ليس بحاجه الا ان يدافع عنه ف شعره
كفيل بذلك
واذكر لكم مثال من أمثله كثيره وهوعندما استضافت احد القنوات الفضائيه الشاعر جارالله السواط
وقال في رده على احد الاسأله ان لدينا في قبيلة عتيبه شعراء افضل من عبدالله وذكر شعراء الدرجه العاشره
تذكرنا حينها قول الشاعر عبدالله المسعودي في احدى محاوراته مع السواط
دايم قصير الثواب مايكسي طويل = اما شمر من قم ولا من ورى
ياسواط انا ماجيت ادور من بخيل = اكبر من الشعار والله اكبرى
ويقصد هنا انني لا احتاج لشهادة الشعراء فكيف بعامة الناس او نقاد دفها والحقها
لان الصغير لايقيم الكبير

ولكني بصراحه عندما اقرا مايكتب الاخ وحي القلم ويصفق له اقرانه فأنا التمس لهم العذر

لماذا؟
لان هناك صوتا يحمل شعرا ترتجف منه القلوب

فعندما يردون الفخر يجدون عبدالله المسعودي يقول

من واحدا يقنع ليا شاف الحصيل = سلام رده للامير ولي انا
حنا هذيل وخنذف الجد الاصيل = ندعى بأبونا مادعينا بأمنا

وعندما يتذكرون السواط يجدون الاسطوره يقول

لو القهر ياسواط يذبح كان مت من القهر = تبلع حبوب السم تحسبها حبوب الصيدلي
ان جت لراس ان جت لساس ان جت لبطن ان جت ظهر= ستين واحد من عتيبه مايعدلون هذلي

= = =

ربعنا العتبان تضحك كما ضحك البليد =تدعي بالعافيه والمرض فكبودها

====

[poem= font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تقوله يالعتيبي وانت بين الباب والصده = تبى المفزاع وعظامك سقيمه واسر ياساري[/poem

]=======

لكم خال ولكم عم ولكم جد ولكم جده = ياكثر احلامكم يابناء حليمه واسر ياساري

======

انا في خير ماني للخوي اللاش محدود = تعب رجلي ولا اعلق على الجربا جرابي

=====

وعندما تزحف رياح الفخر بالشاعر مستور العصيمي

يجدون اسطورة المحاوره عبدالله المسعودي

بعد موتمرمثل البحر والبحر مشروب = ثلاثين دله مايملون فنجالي

======

بعد سموك جاحد متى تعترف = وش يكون العتيبي مع الهذلي
خمس حبات بارد بواحد ريال = لامكاسر ولا سوم ابى اقولها

======

ليت للسلعه مقدر مايقلل من جهدها = لويقولون اربعه هذلان وثنعشر عتيبي

وعندما تهب بهم شمال ويلتفتون للشاعر مطلق الثبيتي

يجدون عبدالله يقول

من اول ياذهبنا كنت في صندوقنا مصرور = وهالحينه تشالتك الحراميه بياديها

وكلنا نعرف ماذا يقصد عبدالله

=====

قول لموسع المقهاه من غير دله = حيث يمسي رسنها مالها غاري

====

وعندما يذكر الشاعر مبروك ابوناب يتذكررررررون جيداا ماذا قال
عبدالله المسعودي

حنا رجال هذيل واحدنا يضويله فريق = وانتم دلال مبرقعات وكل حرف من اوله

===

وعندما يذكر الشاعر صياف
يسمع صوت عبدالله المسعودي يقول

مرحبا ترحيبة وسع المحيط وبحر جده = تجمع اقصاكم على ادناكم وعمري مانسيته
الاصيل من الجمال الوسم يلمع فوق خده = واصلكم ياحرب يصلاكم وعمري مانسيته

=====

صياف مثل الشمس بين الفيتين = مدري ولد منسوب ولا من سبا

====

واختمها بقوله ويقصد بذلك اصحاب المقارنات

انتم تحطون الجراد صقور = حتى حصانيكم تصير ذياب

ولنقاد اخر زمن

تشوفون نص الدرب ياهل الكشاشيف = وفالنص للاخر شوكتين معكوفه

ولو لا الاطاله جبت المحاورات كامله بردودها
ولكن حفاظا على مشاعر اعضاء وادارة المنتدى لم اكتب الا ابيات الشاعر عبدالله المسعودي
واحتفظ برايي تجاه مايكتب
والسلام عليكم ورحمة الله وبركاته

عاد انت ماشاء الله جبت كل مخضرمين عتيبة وشاعر الخليج وكلهم حطيتهم تحت جناح المسعودي وهم تقريبا الاشهر بذاك الوقت اما البقية ماظن الا اثنين او واحد التقوا فيه
لكن الخندفيه والميول الخندفيه تمنع ذكر اسمائهم من قبلك حتى تربحون من يقف في صفكم ومدري هل يعني بس هالاسماء قدر عليها عبدالله !!

ترى بخصوص المقدمة والله مامسينا هذيل بشي وانا منزل موضوع عن هذيل وكاتب في موضوع احب القبائل هذيل
ماله داعي تسطر هالمقدمة كلها يعني هذيل والنعم فيها قبيلة شعر لكن مشكلتهم انهم حطوا اسطوره ومن بعدها اتعبوا الجميع بان الوصول لمكانه مستحيل

شوف مطلق الثبيتي من يوم مات وكل مابرز واحد قالوا خليفته وفيه من اسلوب مطلق وفيه من مميزات مطلق ومن هالكلام
وشوف مستور العصيمي الله يطيل بعمره لكن من الان هو قال بنفسه حمدان العصيمي بيكون خليفة لي وبيكون محل مستور
عاد حبيب العازمي تقريبا دائما يشبهون عبدالعزيز العازمي او محمد العازمي بانهم من قد يكونون خليفه حبيب

ولو جينا لحرب ماشاء الله ماتركوا احد الا وشبهوه بالشاعر صياف الحربي وقالوا خليفته او بمعنى اخر ماسك لواء حرب من بعد صياف

وحتى نبتعد عن الشعر بسئلك لو كنت لاعب كره قدم ومن يوم خشيت بالفريق ومن قبلها ماكان مهتمين الا بنجم الفريق السابقه وكبتنه اللي اعتزل
كل ماحبيت تظهر يظلمك الجمهور لان ميوله الكبرى للكبتن المعتزل واللي امثل فيه هنا هو الشاعر عبدالله المسعودي


اتمنى واحد من هذيل يقول الآن فيه خليفه للشاعر عبدالله المسعودي واللي ممكن يكون مثل صفاته وبيحل محله او على الاقل بيكون شاعر هذيل
المشكلة ماهو موجود هالخلافه لان الاسطورة ماهو ممكن ان يتبعه خليفه ولهالسبب فتحنا الموضوع وتكلمنا كل هالكلام

تباني اثبتلك هالشي شوف يوم تكلمنا عن عبدالله المسعودي انت قلت اللي بالأحمر لاحظ مقارنتك شعر هذيل بعبدالله المسعودي
رغم انه ماحد جاب طاري قبيلة هذيل ابدا لكن مو قلت لانه اسطورة فاي مايتعلق فيه يتعلق بهذيل كاملة
وهو نفس السبب اللي يمنعكم من جعل خليفه له

آخر تعديل ناصر حامد الثبيتي يوم 21-Jul-2009 في 10:26 PM.