سلطان بن دحيم =
يا سعود نبغى نغني والحقايق تبين=وقناة مصر القديمه نقطع ارسالها
يا بلشة اللي معه نيه ببو نيتيـن=لكن قصار العرب ما تلحق طوالها
سعود العصيمي =
هرجس وانا معك اهجرس والعرب سامعين=وقطع علاقة مصر والـروس ورجالهـا.
امراسل الروس جاء من فين رايح لويـن=الخيل مـا تعـرف الا صـوت خيالهـا.
سلطان بن دحيم =
اخر زمن يالكفيف تقـدي المبصريـن=واليوم حالتـك بيـن النـاس يرثالهـا
مفتي ما يحفظ من كتاب الولي صورتين=والله ما احد يستمـع فتـواه لا قالهـا
سعود العصيمي =
أنا بعيد المدى وادحم بجنبٍ متين=وعلومك العوج عندك ماتوحى لها.
ياللي تحط الذيابه في مقام الحصين=وينك ووين الذياب ووين منزالها.
سلطان بن دحيم =
ترا الجبل ما تهزه نطحت ام القرين=ولا ثبّت الارض يالجاهل سوا جبالها
يا سعود لاتحسب انك جبت علم يقين=وانته ما تعرف قمر ديرتك وهلالهـا
سعود العصيمي =
صحيح والمعرفة والعرف للشاطرين=وان ماتهيت لك الدنيـا تهيالهـا.
حنا بنينا المباني مثل حصنٍ حصين=وانته تبا الطيبـة مانتـه بجمالهـا
سلطان بن دحيم =
يا صغير العقل كيف تناظر بنص عين=واليوم عينـك رزقهـا الله بخلالهـا
تحت الرحا جبت حبك لين روح طحين=ودهم المخايل عليـك يهـل همالهـا
سعود العصيمي =
الله يعينك على ضرب الرمح والسنين=ياراعي الدلـه الصايـد وفنجالهـا.
حنا كعام العدى في بـدر والا حنيـن=من روس قومآ تضد القوم بسلالهـا,
سلطان بن دحيم =
الله على اللي سواتك يالغشيم يعيـن=ما دام عقالها فـي صـف جهالهـا
يبقى الاسد ريس الغابه بوسط العرين=وش عاد لو الثعاله تومـي اذيالهـا
سعود العصيمي =
انته ياسلطان محسوبٍ من الغانميـن=وعلومك اليوم فـال الله ولا فالهـا.
يبقى الاسد ماغداله عند سلطان دين=مار استرح في ذرا شجرتك واظلالها.
سلطان بن دحيم =
فالصف الاخير واتبع جرة الاوليـن=وان سارت القافله لابـاس تبرالهـا
بعد ما اخذت الك قدام العرب مطرقين=هذا قدر لحيتك يـا هييـه وسبالهـا
سعود العصيمي =
في مقدم الصف لاجت للكلام اليقيـن=واللي سواتك بتال الصف عزالهـا.
هاذي حقوقك وجاتك من يسار ويمين=وان عدتها جاتك الحملـه وحمالهـا.
سلطان بن دحيم =
تبغى الصراحه تبين كل سر(ن) دفين=يحلهـا يـا رقيـق الخيـر حلالهـا
رماك حظك قدم من ينقل المارتيـن=حتى جمد دم كبدك داخـل طحالهـا
سعود العصيمي =
تبغى الحقيقه تسدك عن سنة وشهرين=لكن حافظ على غترتـك واعقالهـا..
لاتجحد فعولنا اللي من قديـم السنيـن=ترا الرياجيل معروفـه مـن افعالهـا.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
12-Jul-2009, 09:47 PM
العرض العادي
