ذيب الملاعب ...اقرب مدام السانيه غنت على محّالها

[عبد الرحمن الفرهود]

عز الله اني خابرك علّة نحر للي يزوم = خل الضعيفه دوب عيشتها بقد اعيالها
انا اشهد ان العاقل اللي مايلام ولا يلوم = يوم تجيك امحملات ويوم تمشي حالها

[ذيب الملاعب]

ان كان ضاق ابه المحل يقعد على الخط العموم = يشّر لعله يركب بدنّه طوال احبالها
ترى الصلاة اللي بدون اطهور ماتقضي لزوم = واللي على الدين السويّ الله يطيّب فالها

[ذيب الملاعب]

بارود صح لسانك

الليل طرّف

أستأذنك ونكمل غدا" بإذن الله

[عبد الرحمن الفرهود]

على هواك ياذيب

ماقد خبرنا الناقه الملحا لابو منخر تروم = لكن ترا كل الاوادم سترها دسمالها
عجايب الدنيا تجدد كل ليل وكل يوم = اطيور جات امهاجرات وغربلن ختالها

آخر تعديل عبد الرحمن الفرهود يوم 11-Jul-2009 في 11:00 PM.

[ذيب الملاعب]

ههههههههههه طيب طيب

أنا ادري إن بالناس يابارود معطى وامحروم = واللي يبا العليا يشدّ الحيل ثم يرقى لها
شرحك سرى ياصاحبي والحرّ ماهو كالرخوم = مثل رجال المعرفه ماهم كما جهّالها

[عبد الرحمن الفرهود]

صح السانك ياذيب والى لقاء آخر ان شاء الله

كلش يهون ولا يهون الدين والامر امحسوم = وكل الحمول امصنفين اخفافها واثقالها
الاّ الرخامه لاتطرّيها وانا راع الصّروم = ثم نقص الشجره اللي مخمرِ بظلالها

[ذيب الملاعب]

حنا نعرف دروبنا في برد والا في سموم = والنار من شبّابها والخيل من خيّالها
وترى نعرف فعولكم بايّام هازم وامهزوم = واللي يعرف الجدّ ماهو يلتفت لهزالها

[ذيب الملاعب]

بارك الله فيك ياباروود

وصح لسانك

شكرا" لاتاحة الفرصة

وإلى لقاء ٍ آخر إن شاء الله