البـــارحــــــــــه

[سلطان المفرجى]

السلام عليكم ورحمة الله وبركاته

تواصلا مع منتدانا الرائع ادارة ومشرفي واعضاء وزوار اليكم هذه الابيات

اقبلوها كما هي لاهنتم جميعا

البارحه يوم ادبح الليل ونيت=ونة قريصِ سايقه سم دابي
على وليفٍ طلته كنها الليت=ابو خديدٍ مثل مزن السحابي
لاجيت ابغفى في منامي تحليت=سود الجدايل فوق ردفه ثيابي
صفقت كف بكف ثم قلت ياليت=ياليتني في ديرة الزين رابي
ولا ولد عمه وبيته في جنب البيت=واسير على عمي والين جنابي
حتى ولو العم شرسٍ وعفريت= بارضخ واقول ابشر وافتل شنابي
لأجل عيونك يا بعد حي(ن) وميت=ناطى على درب الخطر مانهابي
وان كان ماجيتي على ما تمنيت=حظي ردي ومساويٍ لترابي
خطرٍ على قلبي يثوً ر دناميت= واموت من حبك وفعلك رهابي