ابن سرحان =
ياذيب عروا لك ثلاث شهور وانت اتعلهـا=واهدومك اللي ملتبسها فوق كتفـك باليـه
جبت الرخيصه يوم قلنا لك ... نصيحه خلها=وراك دايم يالمطيري ما تجيـب ...الغاليـه
ذيب عروا =
الذيب ماكمل شهر وانت الحقيقـة اتملهـا=ياهية لاتنفخ علي وجيوب ثوبـك خاليـة
ابيوتكم طين وحطب واقروشكـم ياقلهـا=واشلون ابعرض لك عمارة والعمارة عالية
ابن سرحان =
اوجيهكم دايم تشابه كيف مانفطنلها=صارت ثلاثه والثلاثه كلها متواليه
ان كان ولينك سفير مطير عنا قلها=ماودنا تفنون وانتم في وطنا جاليه
ذيب عروا =
بعض الوجية من العنا لو تستريح احسلها=ماعندكم للضيف غير المـوت والسلاليـة
لو هي بدينك كان ذكيـت القبيلـة كلهـا=حطني بوجهك وتّعرف قدرك لاجتك التالية
ابن سرحان =
المشكله فالضيف ربعه ما يخلي دلهـا=خليتوا امطير الشقاء تضربها الامثاليه
ايروح وايجينا وهو نفسه تزايد غلها=حتى يذوق المره ابيمناه .. قبل الحاليه
ذيب عروا =
عمار ياديـرة مطيـر ابدقهـا وابجلهـا=لضيف لو يخطي عليهم ماعطوة الصالية
ام الكبايـر ظللتكـم ياعتيبـة ابظلـهـا=ماعاد يوخذ هرجكـم ياطيبيـن الفاليـة
ابن سرحان =
كل القبايل في حلال الطيب لقيـت حِلهـا=الا مطير !!اعن العلوم اللي تنومس ساليه
احد طريد من البلد ... واحد يبا يحتلهـا=واحد ليا صكو علاه الباب جالـه واليـه
ذيب عروا =
امطير ياقوم ابرهـة تاريخهـا يشهدلهـا=وش حضرت التاريخ لولا امطير يالجهالية
لو نحتكم للشرع واسرار القلـوب انفلهـا=تبا تعرف امهندسيـن البيـت والعماليـة
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
العرض المتطور
