نجيبلك بيوت عبدالله اللي قبل بيت الرياحي واللي بعده ولايهمك
عبدالله
ياوجه الله حصان يمترغ وبعير مركوب=يصبحك اربعه وثنين مبغالك صباحي
اهل خط الصداقة سمو الحبوب حبوب=ندا ولا بدا والحمل في بطون اللقاحي
الرياحي
كلام(ن) مايطرز بالذهب مهوب محسوب=لكن من عند بعض الناس مايمحاه ماحي
ياعبدالله غير الدنفسه مافيك عذروب =لكن خلك كذا وابشرك مابه نجاحـي
عبدالله
مابا نكبتك يافيصل لكنك صرت منكوب=اعرف انك على ضنك تموت بلا سلاحي
مدامنك على المسحوب غن القاف مسحوب=يساقيك المطر ولا تهب ابك الرياحي
الرياحي
ولاياعزتي للي يموت ولاقضى نوب=لكن اللي يموت بعز لامات استراحي
لكن اشوف ناس(ن) حطو المطروح مشعوب=ولايدرون وش صوت الهدير اعن الصياحي
حتى تغطية على الرد ماتجدها عند عبدالله كل ردوده لفلفة عن بيت الشاعر المقابل
وهذا اللي يخلي الشعراء لايحبذون اللعب معه لانه ماينقض ويفتل بل يلفلف ولايبقى على معنى واحد حتى ينتهي الطاروق
وعلى فكرة الحفل كان عند مطران حتى تفهم معنى بيت الرياحي الاخير يوم يقول ( لكن اشوف ناس(ن) حطو المطروح مشعوب=ولايدرون وش صوت الهدير اعن الصياحي )
الله يرحم فيصل الرياحي ويتجاوز عنه وعن المسلمين
« آخـــر الـــمـــشـــاركــــات »
06-Jul-2009, 08:56 AM
العرض الشجري