العووني =
انا ماارتاح لين اهجد سعود الشاعر المنكوب=وازعل بسببه برقا وازعل ربعـه الروقـه
منّول يحسبونه راس واليومه طلع عرقـوب=الاحظ لي صدورٍ ضايقة وكبـود محروقـه
سعود العصيمي=
على شاربك يالعوني بعيدة والعلم منصوب=انا هم المطارى لو تعلا وارتفع سوقـه.
انا خابرك بعلوم الردى والمخطية منجوب=مطير الله يكافينا على الطالات مسبوقـه.
العووني =
اجل من ذا الذي سراك في يوم الاحد مغلوب=والا (ياوارد الجمه ترى قربتك مشقوقـه )
اظن ربوعك عتيبة تعدك بينهـا عـذروب=ولد عمك قبل ساعه علاك يكوسر طروقـة
سعود العصيمي=
انا ماني كماك اسري وراسي كلبوه ضروب=يابو دقن من اول معركة بالمـوس محلوقـه
ترا مانته من اصحابي مطير اللي تسد النوب=وطاح الضلع فوقك كيف تقدر تنقلب فوقـه.
العووني =
شهودي من عتيبة وانت تعرف راعي المكتوب=يقول انه من اسبابك يفـوح الـدم فعروقـه
سترك الفعل والا ياولد عاصم سترك الثـوب=تريح من تحت ظل السدر وامسح على طوقه
سعود العصيمي=
لياسميت لي رجال باسمـه ماعليـك دروب=لكنك تدعي بالمـر قـدم النـاس وتذوقـه.
سترني فعلي اللي منه خدك فالحزم متـروب=وقرّب واقترب لين مسحك مسحه على روقه
العووني =
الاصعر شاعر منكم وفي وقت اللقـاء محسـوب=لكنـك لاتجاهـل صامـل الوقـفـة ومنطـوقـه
رح امسح طوقه اللي من حلاك اطيب.. واقل عيوب=تراها بنت عمـك وانـت مثلـك يوفـي حقوقـه
سعود العصيمي=
الاصعر شاعر ماقول غير ونعم فالماجوب=لكن المشكله في عونيٍ ماله بنا طوقـه.
ابا اضيقك واباقول فنجالك بعد مشـروب=يابو هاك الثلاث اللي قدر لحيتك مسلوقه.
العووني =
ياوجه الله تقلب .. والمصيبة ثوبك المقلوب=والا ياكبر عقلك يوم اصب الجمر وتحوقـه
يسدك واحدٍ منهن تسلى فيه نوب ونـوب=ياويلك كل مامديت جتك الطـاق مطبوقـه
سعود العصيمي=
ياوجه الله ياخلق الله مطاري بالجرب مصحوب=يحومر بالعيـون وخدتـه بالكـف مصفوقـه
هذا ورثك من جدودك نهار اتعدي المـذروب=ولا احدٍ يقبله غير المطيري ياراعي البوقـه.
العووني =
عسى ربي يسامحني ليا جيتك كسبت ذنوب=وانا كم شاعر في مواجهي مازانت وفوقه
لاوالله تقبلونه ياعصيم وعندكـم محبـوب=على ماقال الاول سالفة عاشق ومعشوقه
سعود العصيمي=
انا ماودي آثم فيك مادامك صخيف جنـوب=تسدك زرقة من رمح ابن غانم ومسحوقـه.
والا ياربعنا وش عاد اسوي في هذاه الطوب=ماباقي غير بالمخيط نجي وانخيط شدوقـه.
زياااد الشطيطي
هلا وغلا
ولكن لك طاااروق ثالث.
حتى يفزع العوني مرة ثانية
اوثالثه.
هههههه
العوني
هلا بك
ولكن الهجمه الثالثه
انا اللي بجيك عند مطير على شأن يشوفون وش اسوي فيك
هههههه
تصبح على خير
« آخـــر الـــمـــشـــاركــــات »
20-Jun-2009, 11:47 PM
العرض الشجري