يابو لمار انته دهنت السير لين السير سار ( ابو لمار )

[سعود العصيمي]

انا دهنت السير بالطيبه علـى وضـح النهـار
يوم ان غيري عن علوم الطيب وقف سيرها !!
يوم ان ربعك سفروك العام شفتك في المطـار
ماردك الا رحلتـك يـوم اعلنـوا تأخيرهـا !!


يوم ان ربعك سفروك العام شفتك في المطـار
ماردك الا رحلتـك يـوم اعلنـوا تأخيرهـا !!




يوم ان ربعك سفروك العام شفتك في المطـار
ماردك الا رحلتـك يـوم اعلنـوا تأخيرهـا !!



هههههههههه

مجرم يابو لماااار



ابداااع

ابدااع


صح لسااانك


ومبروك وسااام النخبه


تستاهل الطيب ،



وهو ليس بغريب على منتدى الهيلا وادارته.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[ابو لمار]

آسف على التأخير ياعمدة الهيلا
توني وصلت
الله يخارجني منك هذا والله الهجاد
ههههههه

مير استلم

اشهار تنطر جيتك واللي سواتك فانتظار = مجنون وتعبّر لها وايزين الك تعبيرها !!
امطير تبكي شاعر" وانتم ورى ضب" وفار = هذي قبيله ماتعاير لو تبا تعييرها

[ابو لمار]

طلال ناشي

سعود العصيمي

حضوركم كريم يالغالين

صحت ابدانكم


شرفتونا بمتابعتكم

[رعد الروقي]

الاقربون اولى بمعروفه من كبار وصغار=يا صاحبي حاول تميّزها قبل تصديرها
حنّا هل الفعل المورخ والاشــــارة للحرار=مدري وصل مفعولها والا حصل تمريرها

.

آخر تعديل رعد الروقي يوم 18-Jun-2009 في 02:21 AM.

[رعد الروقي]

انا اللي ادور الخراج ومتولم للهروب

هههههههههههههههه


ما ابطى من جاء ومعذور يابو لمار


حتى لو انك نقضت العهود ههههه


ترى رسايلك

فل امسح بعضها

[ابو لمار]

تبغى علوم الصدق ياراعي الجزيله باختصار = مهما حصل صورتك في نفسي صعب تغييرها !!
وختامها سلّم على قادح وقلّه لايغار = لايسمع اهل الزير لو قامت ودقت زيرها !!

الله يعينني على قادح
وش يفكني منه هههه

صح لسانك ياعمدة الابداع والطرب
وبيض الله وجهك

تشرفت واستفدت واستمتعت بمجاراتك


تحياااتي لك

[رعد الروقي]

وختامهـا سلّـم علـى قـادح وقلّـه لايغـار
لايسمع اهل الزير لو قامت ودقـت زيرهـا !!


هههههههههههههههههههههههههه



بحـــــــر زاخـــــر يابولمار


انا اللي تشرفت و استمتعت واستفتدت وضحكت

من قلب خاصة على هالشطر



ماردك الا رحلتـك يـوم اعلنـوا تأخيرهـا !!


ههههههههههههههههههههه


صح لسانك مدد والى اللقاء يا صديقي القديم ههههه

[معجب العتيبي]

العمــــــدة

يابو لمار انته دهنت السير لين السير سار=وان كان ما سويت هذيه مسوي غيرها
اكيد اخذت الرشوة وسافرت في متن القطار=للديرة اللي ما تميز شرها من خيرها

ابو لمار

انا دهنت السير بالطيبه على وضح النهار = يوم ان غيري عن علوم الطيب وقف سيرها !!
يوم ان ربعك سفروك العام شفتك في المطار = ماردك الا رحلتك يوم اعلنوا تأخيرها !!

العمــــــدة

هذا اعتراف الرجل واضح ما على وجهه غبار=بعض الشريطية سبايب غمها تفكيرها
ما خنت عهد اصحابي وبدلت بعد الدار دار=واللحية اللي تزرع الفتنة تبا تقصيرها

ابو لمار

انا احمد الله شاعر" معروف وعلومي قرار = وانت انصدمت الصدمه اللي بين" تأثيرها !!
انته صحيبي ماعرفتك زين واسمك مستعار = مع كل هذا صحبتك تبقى على تقديرها !!

العمــــــدة

يا خاين العمدة وخاين صاحبك قادح شرار=بكرة نوصل ربعك الثقفان قصة طيرها
اسمي على الشاشه يسد العين وحروفه كبار =مار الخيانة يا طويل العمر وش تفسيرها

ابو لمار

لوّ انت مع صاحبك يالعمده على نار وعمار = طورت نفسي ياعسى يشملكما تطويرها !!
والله لاحاصر صاحبي حتى يمل من الحصار = واظهر جميع اسراره اللي طايحه في بيرها !!

العمــــــدة

ماانته مطورها ببيعك فالطماط وفالخيار=خسران والرهبان محشومة وداخل ديرها
الجدي في عالي سماه ولا يغطيه الستار=ان طعتني ريــّح شياطينك قبل تحضيرها

ابو لمار

انته مخيّر في الدعاوي والك حق الاختيار = ان بعتني بعتك وحطّيتك حمول ابعيرها !!
انته كما البارود لو يعرض النيران ثار = لاتخرب الصوره وانا تعبان في تصويرها !!

العمــــــدة

الذيب ما ينباع وسط السوق يامجاور شهـــار=انشـــــد ذياب النير لا منك وصلت لنيـــرها
كان السنين اللي توالى بيحت سد الحوار=مافي عتيبه عير والمطران تبكي عيرها

ابو لمار

اشهار تنطر جيتك واللي سواتك فانتظار = مجنون وتعبّر لها وايزين الك تعبيرها !!
امطير تبكي شاعر" وانتم ورى ضب" وفار = هذي قبيله ماتعاير لو تبا تعييرها

العمــــــدة

الاقربون اولى بمعروفه من كبار وصغار=يا صاحبي حاول تميّزها قبل تصديرها
حنّا هل الفعل المورخ والاشــــارة للحرار=مدري وصل مفعولها والا حصل تمريرها

ابو لمار

تبغى علوم الصدق ياراعي الجزيله باختصار = مهما حصل صورتك في نفسي صعب تغييرها !!
وختامها سلّم على قادح وقلّه لايغار = لايسمع اهل الزير لو قامت ودقت زيرها !!