العازمي
عيون الروقه الظاهر تزل الروقي المستور = وطلحه تتّهم مزحم ,,ومزحم تتهم طلحه!!
اثر بعض الرجال الله يامنّا اعوج من الباكور= ترك روس الجبال الشامخه واكمش تحت سرحه!!
العمــــــدة
الا يا عيـــــــد ما زل الحصان الا العمي والعور=و روق اليــــا لقيتـــــه فالبطاقة...سدّ عن شـرحه
على قمة جبـل بيـت الشهــــامة والشرف معمور=ولا هو مثل بيت الطرقي الطمعان في سمحه
العازمي
حشا ياروق مايطلع من الروقه قليط السور = ليامنه تعزوى باسم جده قسمه الفرحه!!
لهيب النار يشوي واحدٍ وجهه كما الديجور = نحط الوسم فرقبة الجمل ونشوم عن رمحه!!
العمــــــدة
تعنصر والرجال اهل الوفا اللي يحكمون الشور=نظرهم فوق ياللي نظرتك فالقاف والسبحه
ليا منك قربت من الجمل ماعاد شفت النور=لكن افطن لجد الوقت من عقب انتهى مزحه
العازمي
حساباتك تصفّيها باسم روقي ..ولا ,لك دور = وروق اهل المشالح ماتهين النفس بالطرحه!!
سنام بعير مايصلح ليا ركّب بظهر الثور = مادامنه كذا يامن من العثرات والذبحه!!
العمــــــدة
امثل لي قبيلة وانت توك يا ولد مكبور=على قدك وتوك من عمامك تاخذ الفسحه
رجالً نصهم فالصين والباقين في لاهور =ابا انشد عيد عنهم لجل اجدد سالفة جرحه
العازمي
يمثّل روق رجّالٍ عريب بجده المذكور= ليا دار الرحا ماضاعله وسط الرحا قمحه!!
بعد مشّيت حد النافعيه فيك لف ودور = تعذرب فالرجال الوافيه وانته ورى السنحه!!
العمــــــدة
مقام الجد الاول غير واللي مادرى معذور=لكن ارجع وجاوب صاحبك واتعب على الصلحه
انا عندي كفن شيخ العوازم والقبر محفور=مولمهـــا عشانه لا قضى مـن سبــة القرحه
العازمي
مقامي رافعه عن واحدٍ مدري من أي بحور = يسابق عمه الواقف على اللقمه من الشفحه!!
مادامنّك تحفر قبور زيد المقبره بقبور = تشيل اللي عمامه ماجنو من طرقته مدحه!!
العمــــــدة
الا ياروق هذا الرجل .. يا يحكي بدون شعور=او انه مدعي في لابةً ماله بها نطحه
انا حاديك للممطور وانت اللي تبا المدهور=تحصلها يا سواق الونيت وشوف لك سطحه
« آخـــر الـــمـــشـــاركــــات »
10-Jun-2009, 10:34 AM
العرض الشجري