صح بدنك وصح لسااانك يابو لماار
ماخليت عني شي والدعوى زبده وجات تحياتي
ابولماااار=
العصيمـي عـود مايرجـع شبابـه=لو بغى يرجع على عصر الشبابي !!
لو يشب النـار شبـت فـي ثيابـه=من بعدها وين يلقى لـه ثيابـي !!
سعوود العصيمي=
العصيمي ذيب ويضد الذيابـه=وانت ذيبٍ مايهوش مع الذيابي
وانشعمت النار مثلك مادرابـه=والله انك لقمةٍ من فوق نابـي
ابو لماااار=
مابقي لسعـود قـدر ولا مهابـه=تالي الايام في هـمّ وعذابـي !!
عام الاول سيف عزه من نصابـه=والعشيه سيف مكسور النصابي !!
سعوود العصيمي=
انجهلت انشد خناذف مع شبابه=وانت مدري خنذفي والاشبابي.
مانسل السيف لاجلك من جرابه=ضربة العرجاء تسدك فالعلابي
ابو لماااار=
مانـذم الطيبيـن اهـل الحـرابـه=مير راسك من هموم الوقت شابي !!
لـو توّكـل عنـك واحـد بالنيابـه=من شباب اعصيم في يوم الحرابي !!
سعوود العصيمي=
مالها الا عزوة الهيـلا عتابـه=ليش يوم انشدك ماجبت الجوابي
ادري انـك ماتبانـي فالمجابـه=والسبايب يوم ماخشاك ولاهابي
ابو لماااار=
اعتبرني واحـد" يشعـب ركابـه=مايجامل في السوالف او يحابي !!
ماطفشت من الدعاوي والطلابـه=توب لله قبل تدفن في الترابي !!
سعوود العصيمي=
الله اكبر منك ياقوس الربابـه=تحسب ان السيل يشبه للضبابـي
مؤمن بالله وخاشي من عذابه=لاجل هذا مارضيت الك العقابي
ابولماااار=
لاح برقك ثـم قفّـى فالسحابـه=الديار ادهور في ذيك الشعابي !!
لو تخاف الله وتخشى من عقابه= تبتعد والبعد فيه اجر وثوابي !!
سعوود العصيمي=
احسب احسابك ودقق في حسابه=وانتبه لاحاسبك قبل الحسابـي
لاوردنا العـد صفينـا شرابـه=وانت من هاك الجمل قلبك مبابي
« آخـــر الـــمـــشـــاركــــات »
06-Jun-2009, 03:29 PM
العرض العادي
