فواز السعيدي
يابو لمار انته علامك كن فوق اسمك غبار =رايح سوات الاشعث اللّي شوشته متغبّره !!
فاللّيل يابالكاد اشوفك بس اشوفك بالنّهار = مدري متى يبقى على هالحال يالله صبّره !!
ابو لمار
هذا غبار المعركه والمعركه نار ودمار = وان كان ماهو عاجبك شكلي باروح اغيّره !!
انته علامك ماتحفظ الجار وحقوق الجوار = يقولون تملك لك شهاده بالختوم امزوّره !!
فواز السعيدي
يعني غنايمكم "غبار" امن المعارك والحصار ؟ = لابالله الاّ غيرّه قبل الهبوب اتكبّره !!
ترى الكراسي يالسّنافي للرياجيل الكبار = ماهي لناسٍ اصغار مار نفوسها متكبّره !!
ابو لمار
المشكله ياصاحبي فواز في عقول الصغار = اللي تحسب المرجله في الصوره المتحمّره !!
هذي كراسي مالها في العرف قيمه واعتبار = لكنّ خلّك فوق كرسيّك وعرفك طوّره !!
فواز السعيدي
بقران ماهو مدركة والقدس ماهي قندهار = واللّي كسر لك عظم ساقك مايجيك يجبّره !!
يابولمار المسأله ماهي كذا يابو لمار = لكن صبرك لين راع المارتين اندبّره !!
ابو لمار
اقصى طموحك يالسعيدي صدق في هذا الشعار = ان كان هذا هو طموحك سالفتك امدبّره !!
اثرك تسعى بالمشاكل كلّ ماحلّيت دار = لكن قلي وش معك من علم جيت اتدوّره !!
فواز السعيدي
لولاك جار هذيل "جار هذيل ماهو بأي جار" = لاقول للّي جرّب الميقاف روح وخبّره !!
تبحث عن البرشومي امن السّمر والسّمره حضار = والله ماتلقابه المقصود لوّ اتوبّره !!
« آخـــر الـــمـــشـــاركــــات »
31-May-2009, 10:18 PM
العرض الشجري