قادح شرار ----لاول مره

[معجب العتيبي]

ناصر المرشدي

ياسلامي سلامِ في يده خيزرانه=منه /يمشي قليل العرف فالدرب سيده
قيمة الشخص في قلبه ومنطق لسانه=بس (قادح شرار) انسان والا حديده

قادح شرار

يوم ناصر تهوّر ثم جابه جنانه = ماله ألا الصعوط وليته إنّه يفيده
كان قيمتك في قلبك ماهي منك زانه = وغيرها علوم واجد عنك ماهي بعيده

ناصر المرشدي

من ثبت في مكانه لايغير مكانه=نبدع القاف والمقصود بيت القصيده
قبل كلمتك هاذي نحسب انك تكانه=مير هالحين ابا انشر صورتك فالجريده

قادح شرار

كان ما تملك لنفسك أمان وحَصَانه = والله إنّك يا ناصر في هذا الليل صيده
أنت تحسب !! ماتحسب !! الذهب فالخزانه = ما تنقّص منه قيراط ولاّ تزيده

ناصر المرشدي

شيمة السيف شامت ماتبا البرتكانه=مير في ظل هارون امرحي يازبيده
مع ضروف الزمن يالله صلاح البطانه=من عرض خزنته لابد نعرف رصيده

قادح شرار

أنت مثل البعير اللي وسيع ٍ بطانه = والزلازل ضوّت سبّت قصيدك يا عيده
العماني نصيبه ياجده في عمانه = ما يلاقيه عند أهل الصفات الحميده

ناصر المرشدي

لاتقرب شعيل ولاتوقف وزانه=قبل لايعطبك نابه ويهبدك بيده
ماش في منتدانا منتدى للحضانه=صفوا المنتدى ياهل العقول الرشيده

قادح شرار

كان تبغا الكلام !! شعيل قفى زمانه = ليت تستشهد أمثالك بحاجة جديده !!
ما نحب المجامل وأخذها بالأمانه = أنته أول طفل لا بد وإنّا نبيده