ناصر الجلاه
مرحبا بالصاحب اللي في ليال الوقت صاعد=نظرته روم المعالي والمشوك في بريمه !!
العضياني علي قالوا ملازم للمساجد=مار مايبذل مع العربان لأجر ولا غنيمه!!
علي فلاح العضياني
البقا بالشاعر اللي يعتبر موهوب ( واعد )=قلتها من خاطرٍ صافي و نيّاتٍ سليمه
العضياني عسى مثله من العتبان واجد=مع طريق العزّ و النوماس فوق شداد ريمه
ناصر الجلاه
طايرتكم فالفضاء حامت ولافيها مقاعد=والله العالم (حريمه) مانسميها (ظليمه) !!
والله ونعمين يالثعلي تساد ولأنت سايد=العصيمي قد عسفها بالخطام وبالوسيمه
علي فلاح العضياني
الله أكبر يالخيال اللي معه بارق و راعد=مار يا كاف البلا ما يبهج كبودٍ محيمه
و الله و نعمين حظّي قام وانت الحظّ قاعد=يالعصيمي خلّ ابن ثعلي و ذبّ مع الخريمه
ناصر الجلاه
لوتقول أجلس تحت فيه وأنا من فوق جاعد=قلت ألك بدري تسمى شيخ وأيدينه كريمه !!
ماجهلنا فالعدود ولاجهلنا فالموارد=وإن عكست السير يالثعلي تبى تأخذ قسيمه !!
علي فلاح العضياني
ودّي آخذ معك و أعطي مار قافك ما يساعد=ليت يوم الله ومرك تقول ,,, غيّرت الوسيمه
شدّ حيلك يا ولد عاصم عظامك لا تراعد=الشداد الله يبارك فيك مع راع القديمه
ناصر الجلاه
البعير أليا فهق للحمل ماجاله مساعد=مار (ليت) الله يعينك مالها فالوقت قيمه !!
والله إني فالمواقف ضلع جنبي مايحايد=من قويين العزوم ومن قويين الشكيمه !!
علي فلاح العضياني
مستوانا ما تساوا ,,, بيني و بينك تباعد=ضاريٍ بالنصر دايم ,,, و انت ضاري بالهزيمه
اجتمعنا ليلة الجمعه و من غير إنتواعد ,,,=و الله إنّي لرتكب لي فيك يا ناصر جريمه
ناصر الجلاه
بالكلام وبالاحلام ولاتصيد ولا أنت فايد=والحقيقه تومي برأسك كما رأس البهيمه !!
اجتمعنا .. والهديه جيت ألبسك القلايد=دام أنا راعي محل اجيك مادور عزيمه
« آخـــر الـــمـــشـــاركــــات »
22-May-2009, 01:48 AM
العرض المتطور
