تعال يا معجب و علمنا علوم الاجتماع ,,,, ماذا أسفر عنه ....

[معجب العتيبي]

علي فلاح العضياني

تعال يا معجب و علمنا علوم الاجتماع=الاجتماع اللي حصل قبل أمس ويش أسفر عنه
وراك ما كلمتني و آجيك يا خطل الذراع= رفيقك اللي ضاق صدره منك وش عذرك منه

معجب العتيبي

حيالله اللي كل ماغنّا يجي فيه ارتفاع=وعن كل علمٍ فالبد يا اصحابنا مانامنه
رفيقنا يدري عن اللقيا ويدري بالوداع=لكن غيابه كل ماجات اللوازم ديدنه

علي فلاح العضياني

حاولت تخرج نفسك من الضيق قدر المستطاع=لكنّ أنا عندي على الدعوى شهود و بيّنه
لو إنّي أدري جيت من يمّ المحاني و الفراع=غبنا عن اللي مخفيَ الميعاد ماهو معلنه

معجب العتيبي

ما انكرت والدنيا دروب وجرهدياتٍ وساع=لكنّ حجة صاحبي ياهل المحاني محزنه
يقول مادري والخبر جابه قبل يصبح مذاع=لكنّ مدري ويش رده؟ كل حاجه ممكنه

علي فلاح العضياني

من أكثر الضبّاط يا نكبة و زارات الدفاع=ما يفهمون العلم لو إنّا نعلمهم ,,, سنه
شمس الحقيقه مشرقه و لا يغطّيها القناع=ان كان عندك هيّنه ماهيب عندي هيّنه

معجب العتيبي

لوكان هرجك صدق كان امره مجمّد مايطاع=الضابط يعلمك وعينك ويحمي موطنه
اللي مضيعله جمل ماقول ليش القرش ضاع=وانته عليك ملاحظات ومعك عله مزمنه

علي فلاح العضياني

حنّا يابو سلطان أخذنا عنك فكره و إنطباع=و اليوم بيت الشعر تعكس وزن قافه و لحنه
ما عند بعض الناس فارق فالثنيّه و الرباع=لكنّها عند العوارف بيّنه متعيّنه

[علي فلاح العضياني]

الله يبيّض وجهك على التنسيق يابو سلطان

التوقيع

(( رأس الحكمه مخافة الله ))

[عبدالله الاصعر]

الله الله


صح لسانك يابو فلاح


صح لسانك يابو سلطان


تحياتي

[معجب العتيبي]

عبدالله الاصعر


صح بدنك


ومرورك شرف كبير

[حمد بن جوباح]

.
..

محاااااااورة منتااااااااازة

لله دركم



.
.
.















تحياتي لكمـ ،،

[%الصامل%]

صحت لسان علي فلاح وصح لسان معجب

محاورة جميله

[علي فلاح العضياني]

عبد الله الاصعر


شرفتنا


طال عمرك



صح بدنك

[علي فلاح العضياني]

حمد جوبااح

صح بدنك يالغالي

[علي فلاح العضياني]

الصامل


صح بدنك و يعطيك الف عافيه

[معجب العتيبي]

حمد جوباح

شهاده نعتز فيها

الصامل

شكرا لمرورك العذب



صحة ابدانكم