 |
|
|
اختيار تصميم الجوال
 |
 |
 |
|
|||||||
 |
 |
 |
| روابط المجموعات |
| الألبومات والصور |
| قائمة الأعضاء |
| البحث في المنتدى |
| بحث بالكلمة الدلالية |
| بحث متقدم |
| الذهاب إلى الصفحة... |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
13-May-2009, 09:34 PM
|
رقم المشاركة : 2 | |||||
|
تكملة القصائد -18- وابن معيتق قد عطاكـم مراشيـق
جانا شريـط ٍ ممتلـي بالفزوعـي=يحمـل كـلام مقطريـن الأباريـق يزاعمون الروس لوهـم جذوعـي=ويلزقون الحكـي بالصمـغ تلزيـق ياابا الحصين ان كان حر وجزوعـي=وشلون تتـرك دم جدتـك ماسيـق اللـي خبطهـا واحـد ٍ بالضلوعـي=وراحت كما البهلول بين المخاليـق يامصلي الجمعـه نهـار الربوعـي=بينك وبين مفاخـت العيـد تنسيـق خـل التقـدم وانتبـه للرجـوعـي=ان كان عندك ياابرق الريش تبريـق وعضيب حيث انه مجون ٍ خثوعـي=نغق عضيـب وسانـدوه النواغيـق شلة خنا فيهن ربـوض ونكوعـي=ودرب الزلق زلم بهم مـع مزاليـق الكـل منهـم بالماثايـل يعـوعـي=واطيبهم اللـي شاطـر ٍ بالخنابيـق حطوا لهم عقب التواضـع طلوعـي=بالحكي مار انه ورا الحكـي تدقيـق نقدر نماشيهـم علـى كـل نوعـي=وطول المدى يتعب ردي المسابيـق النـار يحييهـا جزيـل الولـوعـي=ونقض الحجج يبغى حقايق وتحقيـق وانا اليا قلت الحجج يـا الخموعـي=عندي من التاريخ حجـه بتصديـق والا انت تايه في السراب اللموعـي=مالك رصيد وتجمع الحكـي تلفيـق ودك تهزع الناس وانـت مهزوعـي=لانك مطـوق بالعذاريـب تطويـق ياعضيب مايلحق ذراعـك لكوعـي=اعرف مقامـك يـاردي التوافيـق يوم انها مابيـن بوعـك وبوعـي=وانتم تضيق ابكم وساع الطواريـق كم جادل ٍ منكـم جداهـا الدموعـي=ليا دبروا عنهـا العيـال العواشيـق ياسبقكم اليا اقفت بكم كـل طوعـي=تغـازن المهيـاع مثـل الدوانيـق خيالكـم لقفـى سبـوق ٍ جظوعـي=كنه من الذله علـى طايـرة ميـق وعقب حكمنا اللي بسيفه قظوعـي=سا ويتنا في المرتبـه يالحميميـق وقامت تسموى بالحـرار التبوعـي=حتى الثعاله شرهن فـي العماليـق حنـا عتيبـه جمعنـا مـا يتوعـي=وحنا بواليـد الحصـون المغاليـق ندحم بجنب ٍ فـي المداحـم بتوعـي=اصبر على الشداة من شمخ طويـق والضيف عند ابوتنـا مـا يجوعـي=وابن معيتق قد عطاكـم مراشيـق نشر لكم سودا علـى كـل دوعـي=وخلى طعام مقـدم المـي ماذيـق حنـا اليـا رد النقـى ياالنـدوعـي=نرسي كما ترسى الجبال الشواهيـق حريبنـا مايهتـنـي بالهجـوعـي=ويفرح بنا المضهود ليا ذلهب الريق مانا بمثل اللـي يشـب الشموعـي=للحرب من قدام ضـرب المجانيـق وان كبرت القاله وصـار الوقوعـي=علق على الدوشان كـل المعاليـق دايم وراهـم فـي ذراهـم يقوعـي=وان جنبوا عنـه لحقتـه اللواحيـق شاعركم اللـي بالمثايـل لذوعـي=خص الدويش ابها وخلى اللماصيـق حطوا أومراكم في محـل الركوعـي=واضافكم للمطير في حـزة الضيـق مثايلـه مـازال تطـرق سموعـي=وكلام شاعر حرب يحتـاج تعليـق ومناخ عرجا يوم حشـد الجموعـي=يوم ان كل ٍ يرسل السبـر ويويـق عند المعقل صـار يـوم ٍ يروعـي=بمضرب المهند والحـراب المذاليـق يوم السيـوف يعانقـن الدروعـي=والخيل تنحى الخيل واستحكم الضيق من اللي ثوا واعلن قرار الخضوعي=ووقع على استسلام قومه مواثيـق وسلم زمـام مروبعـات النجوعـي=وشقح البكار اللي سوات الغرانيـق عقب الصلف عود ذليل ٍ خشوعـي=ودنق كما الخرتيت بين المساويـق والفرم عبـد الله يطيـح ويفوعـي=وطار اليقين عن العيال المشافيـق وقفى عن الدار العزيـز مخلوعـي=عقب المعزه تسكنـون المشاريـق يا عضيب ابن عمك خبيث الطبوعي=اذعن لقانون الرفـض والزناديـق عنده شفـارات ورفيقـك دنوعـي=.................................... زامات ذا يومي والآخـر سبوعـي=مابيـن تفحيـط ٍ ومابيـن تلبيـق السايق احمـق والزمالـه نتوعـي=وانته تفرج كيـف لـدح التعاشيـق ابن علي يابن علي جاء رضوعـي=ياخذ على هتك الكرامـه دغاريـق وعندك خبر ياابا الدبـر بالفروعـي=.......................... .........................................=.............................. عسى وطنكـم للحيـا والرجوعـي=دار ٍ بهـا مايفلسـون التفافـيـق امضيت وقت ٍ بين ذيـك الربوعـي=وعديت مرقاب الفضى عصر وشريق وعن مااتضح لي في وطنكم قنوعي=لو بان لي بعض الغروس المعاذيـق الله يلومـك يالزهـوف اللطوعـي=لولا كلامـك ماكشفـت الصناديـق ماني على الغرات عجل وطموعـي=لكن ازارق مـن يوجـه زواريـق والله يعز اهـل الحسـام القطوعـي=حكـام نجـد مطوعيـن المطافيـق حامينها من كـل ملحـد وشوعـي=وفي ضلهم فكت حلـوق ٍ مخانيـق -19- وتدهورت حرب من تدبيـر الأرباعـي
سر ياقلم واكتـب الكلمـه بشاهدهـا=ومن كان له حجة ٍ يحتـج ويداعـي خـل المعانـي تحددهـا مراصـدهـا=اللـي تميـز كـلام النيـم والواعـي وان كان حرب انكرت صيغة مجلدهـا=تذبذبـت بيـن قمـاعـن وقـذاعـي جنح بهـا مركـب ٍ بقيـادة اعمدهـا=ولايستـوي للقيـاده ذيـل وكراعـي جنح بها عن طريق الحـق وابعدهـا=وتدهورت حرب من تدبيـر الأرباعـي غنـى المزينـي بيـوت ٍ ماتفقـدهـا=كفخ قليل البصيـره كفخـة ارقاعـي قـام يتفلـت وعبـراتـه يـذاودهـا=وخمش عصى جدته يضرب بها القاعي عنده حزازات فـي صـدره يكابدهـا=لكن يبغـى يمـوت وفيـه مرقاعـي فزعتـك ياخـادم القصـاب قاصدهـا=بعض المساعي كليف وتبهت الساعي ودك علينا الهزيعـه ميـر ماابعدهـا=ابعد على حرب من تقبيـل الأكواعـي حنا رجال ٍ عضـود القـوم نرعدهـا=يوم ان كل ٍ يكيل الصـاع بالصاعـي يوم المغازي وحنـا حـرب نضهدهـا=نسبى الرعيه وندقم شوكـة الراعـي ايـام بالسيـف نجضعهـا ونقعـدهـا=ماينعرف صوت ثاغيكم مـن الناعـي كم مـرة ٍ سلـة السيـف نتوعدهـا=واليا اشتبكنا تضعضعتوا تضعضاعـي وكم مرة ٍ جيشكـم طـارة جواعدهـا=يوم ان رمز الشجاعه عندكم ضاعـي وحنا فدحنا الرجـال اللـي نطاردهـا=يـوم ان ميدانـا مافـيـه فـراعـي قحطان وامطير وانتم مـن روافدهـا=يا ما عطوا من وحمنا كـل مهياعـي يـوم الصناديـد كاشـرة ٍ نواجدهـا=يكره لقانا العـدوا لـو كـان فداعـي كم شيـخ قـوم ٍ طوابيـره يجندهـا=من قبلنا هيلعـي ماهـوب ينزاعـي واليـا حضرنـا كرامتهـم تبرجدهـا=وخلى الجهامه تضيع بدون جماعـي يوم القبايل سعدهـا مـن سواعدهـا=وذرعانكم قاصـره ماتلحـق ذراعـي قبيلتـي تدخـل الهيجـاء بمفـردهـا=بالسيف تبدع لها منهـج ومطلاعـي مادورت في المعارك مـن يعاضدهـا=وتعاضد اللي يبي النجـده ومنلاعـي لو كـان قطـب العملايـق يتوعدهـا=ردت عليه النقـى ماهيـب تنصاعـي الجود والمجد فـي الشـده معاهدهـا=والصبر في الزحف ماحنـا بجزاعـي ليا احمرت المعركه ثم حـاد حايدهـا=تلقى كراديسنا في الحـوض شراعـي مانا بمثل الحـروب اللـي تواجدهـا=في الحرب مشروك مع مدفع ودفاعي وان كان طارن على بالـك تجددهـا=اقدح فتيـل الزنـاد وخلـك تراعـي ودلتـك بالهيـل والمسمـار قندهـا=وحنا نسيـر عليـك وخلـك الداعـي ونشوف من ياصل البيضـه ويبجدهـا=ومن يدحره خافـق الذلـه ويرتاعـي والا العوافـي كثـيـرات ٍ فوايـدهـا=اطمر من المركب اللي كبتنـه تاعـي وتطـاول الأرض والذرعـان مددهـا=وخلك مع اللي عن القالات هجاعـي مالك ومال الحـروب اللـي تمجدهـا=ماانته بقادر تسد وسـاع الأرواعـي ودك تحامـي ورى نـاس ٍ مواردهـا=يرتادهـا للمغانـج كـل مـولاعـي قبيلتـك للمـلا واضـح تعربـدهـا=متوسطـه بيـن منتوعـه ونتاعـي بـذر المعاييـر والـخـدام رابـدهـا=وان بانـت البينـه سويتـوا اقناعـي وشلتـك مخبـر رقابتنـا مفنـدهـا=وعنده تواقيـع شلتكـم بالأصباعـي وموضح ٍ مضرع الشلـه ومصعدهـا=بأرقابكم يالمزينـي حبـل مصراعـي القطـش يقطـش بقيفانـن يلهمدهـا=وبادن عليه الرهق ماهـوب بتاعـي زريبـة الفـرم قـدامـه تهبـدهـا=نسي سبب تسميتها قاصـر الباعـي وهايس لـه اخبـار لكنـي مجمدهـا=حتى يجي وقتها واضـرب بمقشاعـي حتى المكاوي على الهامـه نحددهـا=وابرقع الـلاش بالخـزوه تبرقاعـي وسبيل قرب لشلفـا ذيـاب مبردهـا=ويخاف لو مابهـا تفتـر الأوضاعـي يخاف تفتـر شلفاهـم علـى يدهـا=ليا صدها من يعرف لنسف الانصاعي وارسلنـا طايـره واختـار قايـدهـا=من اللي عليهم انجوم وتـاج لماعـي معـه الرسالـه بداخلهـا قصايدهـا=لكن مضمونهـا مختلـف الأنواعـي مر ٍ يحاكي العرب في ثوب مرشدهـا=ومر ٍ يخم العصـى ويصيـر فزاعـي والرجـل ودك علاماتـه يجرهـدهـا=اليا طارى له يصد طـوار الأبواعـي اما يجي مـع هـل العنـه يقاندهـا=ويفتل عضوده ولا يطري التزعزاعـي والا يخلي الأمـور لمـن يصامدهـا=ويرخي سموعه ويسمع كل مذياعـي ولافي لو انه هل البصمـات ينشدهـا=لقى الجنايات فيها الرسـم صلاعـي ولقى مواطي الذيابـه فـي مواعدهـا=ودرى ان زوارته من كل الأصقاعـي ..................................=............................. ....................................=واله خشرا عند ابن نفجـان رتاعـي ليته نظر بينهـم وشلـون مجردهـا=حتـى يخلـي التشـدق والتمعماعـي وان كان تابـت وتـاب ولا تعودهـا=الله غفـور ٍ رحيـم ويقبـل الداعـي ومهنتك الأولـى علامـك ماتعاودهـا=يوم انت للثور ابو لغبـوب جظاعـي كم من جزور ٍ على الماصه تفلهدهـا=لانك لروس البقر فـارس وزماعـي قطعتهـا ياولـد دفـلـوج بجلـدهـا=ومن حسن شغلتك نفـاخ ٍ وشراعـي والمهنـه الثانيـه ياكبـر مفصدهـا=خازوقها لو يطول الوقـت ماضاعـي كبـوه وهبـوه مجودتـك وجـودهـا=هذا جزا من نسى الشيمه اليا جاعـي جتك الرساله وفكـر وابلـع اعقدهـا=واصبر على مرها يوم انـت بلاعـي وعمم على شلتك غامـق مقاصدهـا=كل ٍ عطـه مشقصـه وزع توزاعـي الوسـم واحـد ومفتختـه شواهدهـا=وترى لها مخلب ٍ يطعـن وصقاعـي ومدام الأخصام توعدني وانا اوعدهـا=اليا قمت يابعد معـوادي ومرجاعـي اطرد هل الزيغ لين ايبـس جلامدهـا=بأسرار الأخبار اجربعهـم تجرباعـي وازرع سلوك اللغم داخـل وسايدهـا=حتى يفرقـع مضاجعهـم تفرقاعـي وان كان لك رابعه بالصدر راصدهـا=نبـي نضيـع روابـع كـل رماعـي عندي سجـلات والكـرده مساندهـا=يمناي للسيف واليسـرى لمقضاعـي -20- اللاش لو يومي عليكـم بمسـواك=رحتوا مثل وصف القطـا واستباقـه
سر ياقلم ننقض فتـل مـن تحـداك=وحده على روس الحـداد الرقاقـه واعرض لخباط الشجر حمر الأسلاك=حتى يبيـن اللـي سلوكـه دقاقـه ليا ركزت القامه على جـال تبـراك=وكلٍٍ يدافع عـن حمـاه ونطاقـه احد ٍ يجي لخشوم الأخصـام فـراك=ويصير في بعض الرجـال انفهاقـه يابو حمود الدلبحـه مـن سجايـاك=دايـم يزعزعـك الهلـع بارتهاقـه طلع لنـا يامعـدن السـود معنـاك=لكـن ماسمـيـت راع البطـاقـه ومادام خوفـك مايفاخـت محيـاك=مالك على صـد الصناديـد طاقـه اربـض علشـان المعانـي تعـداك=رجم الشرف يصعب عليكم مواقـه وكان انت في نظم الهناديب سبـاك=قاوم ولا تـدرق خصيمـك دراقـه بين له اسمك واسم من كان سماك=واثبت ليا جـاء للسهـوم انطلاقـه ليا اخطاك هذا الأولي ذاك مااخطـاك=سهم ٍ ليا صاب ابرق الريش عاقـه العام تنعى عضيب واليـوم ينعـاك=من عقب ماعانق انغاقـك انغاقـه اللي تعشـى بالأوعيضـب تغـداك=وش عاد لـو انـك تمنـى فراقـه والعام تعلن ماتدنـق لمـن جـاك=واليوم جابك عـن هدفـك انزلاقـه حطيت راسـك يالمزينـي بمخبـاك=مع كـل ريـع تحـاول الانسراقـه دخلـت سـرداب المذلـه وشفنـاك=وترى الخبر من عند حرب انبثاقـه بريدنا طابق علـى جسـر مرفـاك=معه الكتاب ومن على الجسرساقـه اما تمشلح للعصيمـي ليـا جـاك=وقابل بما تفـرض عليـك اللياقـه والا انبطح خل الحصـان يتخطـراك=واصبر على الذله ولـوم الرفاقـه طاوعت من بالحكي شالك ووطـاك=وحملك حمـل ٍ مبهمـات ٍ حلاقـه مانـي بلعـان ٍ سواتـك ونـمـاك=ولاهيب تقدرنـي سلـوك الحماقـه يوم القبايل بين صـولات وعـراك=وكل ٍ يبـي راس الفخـر واعتناقـه هيلاي جابت من جماعتك الامـلاك=كـم ذود حربيـن حلبنـا نيـاقـه وكم شيخ قـوم ٍ فالمناعيـر فتـاك=نرمـي لجيعـان الذيابـه شقاقـه حنا شربنا وانت عطشـن ضمايـاك=يكفيك عن ملي الصميلـه شلاقـه وكثر التبجح مايصل قصرة رشـاك=دور على ذرعـان علـوا الحاقـه ويوم الرشاويه وعرجـا حشرنـاك=جمعك من العتبـان تـم انسحاقـه خيل خيال المـوت يبـرق ودكـاك=وعلى جماجم حرب صـار اندفاقـه ضاعت علوم امحاربة جمع الاتراك=وحصل لكم بين السيـوف انطراقـه حتـى طلبتـوا عـون ذولا وذولاك=وصرتوا مع اصحاب المهابه الزاقه بين الدويش وبيـن نايـف وبـراك=كـل ٍ مقيدكـم ابعـقـد اتفـاقـه وابن رشيد ان جاك ماادراك ماادراك=سِلط على الحربي يضيـق خناقـه اللاش لو يومي عليكـم بمسـواك=رحتوا مثل وصف القطـا واستباقـه وحنـا اليـا جانـا حدينـاه منـاك=بحدب السيوف ومحكمـات التفاقـه وعصيم مع قومه عن الدار جـلاك=يوم الجموع الهن حكـم واندلاقـه خلاك يـم سـواج تامـدك حمـاك=نوم الملا يصعـب عليكـم مذاقـه وجمع ٍ هرب قبلك وجمـع ٍ تقفـاك=غير الأسير ومـن قطعنـا عناقـه وساق الجوا يمـه تحفـر ركايـاك=كم ساق سـواق ٍ تلولـس بساقـه وان كان تطلى الجرب عالج حتا راك=لايجرفـك تيـار سـوق السواقـه والناقه اللي كنهـم دوحـة الـراك=مـن ذاق فيتهـا يـزود اشتياقـه بضلالها مسـرح لتجـار الابـواك=واللي يبيعـون البضايـع اسراقـه وراسي رفيع ولا على راسي ادراك=ماني بمثلك فـوق راسـك اطباقـه خل التحـدي والتمـادي فالأدبـاك=لانـك يجيبنـك سلـوك الحـداقـه وعضيب مثلك في تساجيلـه افـاك=عجل ٍ على سرق الخبر واختلاقـه ياعضيب عوقك في مجانيك وايـداك=لو كان عندك فـي الكـلام انذلاقـه حنـا نشدنـا عنـك حتـى لقينـاك=منته مليك ولا حصل لـك اعتاقـه وش عاد لو عمـك هليـل تبنـاك=والبسك ثوب ٍ من بني علـي باقـه اللي سـدى ثوبـك ثلاثيـن حـواك=واصله مجمع مـن ثلاثيـن طاقـه منتـه بحتينلـي ولاعـنـدك ادراك=تماري الرجال وعايقتـك الإعاقـه انا مـن الفـولاذ والا انـت تنبـاك=يسـود الأسنـان عقـب احتراقـه مهنتك في سوق الفحم تتن وجـراك=وتعطي عميلك قبل يشـري اذواقـه ربع الكلام اللي فـالاوراق ينصـاك=ويكفي البابـك لطسـة ٍ وانغلاقـه وثلاثـة ارباعـه لذبـاح الأديـاك=اللـي لضيفانـه يقـلـط عنـاقـه عـزوز ناديتـه وعـزوز نــاداك=كـل ٍ يبـي الثانـي يخيـط رواقـه ولا خير في هذا ولاخيـر فـي ذاك=لو كان تربطكـم وشايـج علاقـه -21- وحل في ديوان حرب الأظطـراب
ياقلمنا عـن وعدهـم لا تغيـب=لايقولون العصيمي ليـش غـاب دام داع الشلـه العميـاء يجيـب=ياجب انا مانكـون مـن الغيـاب وكان جانا من ذنب علـوا نديـب=حـط بالـك للسـؤال وللجـواب واركز الناعور واشرب ياشريـب=ومن شرب يصبر على مر الشراب بلغ الشله خطـاب ٍ مـن خطيـب=والخبر خابور في وسط الخطـاب ولو ترد الك النقـا شلـة حبيـب=لايهمونـك مضـيـرة الـكـلاب فـي يمانيهـم حفـاة ٍ ماتطيـب=صابغه بيدينهـم مثـل الخضـاب ماتطيـب ولا يعالجهـا الطبيـب=معنويـه ماتغطيـهـا الثـيـاب ولو عددهم زاد حاصلهـم قريـب=لا يهمك دبـك غـدران السـراب التشـدق بالتبـجـح مايثـيـب=مايزيل مـن القلـوب الألتهـاب يوم شافوا رمينـا كلـه يصيـب=وداخل ٍ ببيوتهم مـع كـل بـاب لان بيت العيـب بابـه كالشعيـب=يدخله ويمردلـه حتـى الـدواب شبهروا في جارهم حيثه غريـب=وانخرت دغم الخشوم من الرعاب لان راع الريـب دايـم يستريـب=حيث مغرس شيعته كلـه خـراب يالمقاطي وش تبي بأهل الصريب=فيضة الطرفـا تجنبهـا اجتنـاب وش تبي بفيضة الغصن الرطيـب=خلهـا ينغـق بجانبهـا الغـراب لاتجامـل لا خـوال ولا نسـيـب=وش تبي بجانب الصبخا الرغـاب النجاسـه فـي جوانبهـا غبيـب=ماتغيـر لـو يساقيهـا الربـاب لو يجيها هاتف الوسمي صبيـب=نبتها طرفـا وجثجـاث وخصـاب كيف ترضى بالمهونـه يالعريـب=وماكرك ماجود في شم الهضـاب لابتك مـن بـاب مكـه للبويـب=مزبن المضيوم وتهـد الصعـاب كم عنيد ٍ من غضبهم صار اديـب=توبـوه بحـد شلفاهـم وتــاب يوم ابن هادي رفض لا يستجيـب=قال تركي من شبا السيف الجواب وحدر الهيلا علـى حـد الحريـب=هيلعين من حريبـه مـا يهـاب واستباح الدار غصب بغير طيـب=واجنبت جنب ورضت بالأنسحـاب والعتيبي صار بالـدار الخصيـب=محتمن ذيك الروابـي والمـراب ومن سكنها قبلنا راحـوا هريـب=البخيت اللي قضب طرق المـذاب في زمان ٍ فيه مقتـول وصويـب=ومن جنيق الموت جاين له ضباب والهطيقا من ورا طنـب الطنيـب=حطكم وطبـان بـوروك الركـاب مالكـم بالطايلـه حـظ ونصيـب=نجمكم بأقصى بيوت مطير غـاب كل ماشفتوا لنـا سبـر ورقيـب=تلتجون بضـل جنحـان العقـاب استدار ابكم فلـك نـاب المنيـب=مثـل بابـور ٍ تجاذبـه المهـاب وشيخكم فأيام عرجـا ياعجيـب=قام يطمر من جناب اليـا جنـاب ويلتفت لمطيـر ويهـز القضيـب=وهقـه كثـر الدبابـه والـدواب وشيخنا ارسل له كتاب ٍ مع نجيب=وقال له برق بمضمـون الكتـاب كان منت بصف شبـب ياشبيـب=صـد عنـا يالشبابـي بالشبـاب وخلنا ومطيـر والمولـى رقيـب=نحتكم للسيـف مفتـول النصـاب مار عيا عن شحم عصب الغصيب=لين اخذها عقب ذل مـن التـراب يوم جينا فوق عجـلات الهذيـب=كنهن هملول صيف ٍ من سحـاب اختلـط عـج السبايـا بالنحيـب=والتعاج السيف كنـه بطـن داب شاب منا الورع قـدام المشيـب=يوم غابت شمسكم قبـل الغيـاب وزيحت القطعان في جال الشعيـب=والبيوت اللـي مزرقـة القطـاب وللعذارى جضـة ٍ منهـا يشيـب=راس من يخشى على تلع الرقاب وبنت شيخ القوم بالجـد العريـب=تزهم الفرسـان وتزيـد انتحـاب ماحميتوها من اليـوم العصيـب=ظنها برجالها اللـي قبـل خـاب وشيخكم خزخز على شقر السبيب=ولا حصل له شوف باب الإنهـذاب ولا قدر يلعـب بميـدان اللعيـب=عقب رفع الراس جا فيه انحـداب وسلم الفسقان للوجـه الغضيـب=وقال انا بحمـاك يانـزه الجنـاب عند ابن هندي تجـذى مستصيـب=وحط راسه في قفل مربط حجـاب مربط ٍ للشيوخكـم قفلـه قطيـب=من دخل في سجننا عاهد وتـاب والذويبي عام فالصنقـل قضيـب=راهنين الشيخ في عوج الرقـاب عند ابن رازن على كيف وعصيب=ليـن رديتـوا دبشنـا بالحسـاب والصويب انعالجـه حتـى يطيـب=كم عقيد ٍ عندنـا عولـج وطـاب وبلغوه لما منه من فـوق شيـب=وزودوه براحلـه معهـاه زهـاب والرشاويـه لهـا يـوم ٍ رهيـب=بالسويف المرهف هوام الخشـاب امتلى الميدان مطلـوب وطليـب=والحبـل مابيـن مـده وانجـذاب والعتيبـي طيـب ٍ وازتـاد طيـب=ومحمل الأحلاف قفـى بالصـواب وبان من صد الرجال عن القليـب=والرجال اللي عن الطيـه تهـاب وبني سالم جمعهم جالـه خبيـب=والركب طارت على متون الركاب ولمسوا الا من ورى قارة مغيـب=في رهق وسبورهم على العقـاب ولاحد ٍ ضف القطين مع العزيـب=كود حنـا يـوم درج الملـح ذاب الفعل لـو يازنـه رجـل ٍ لبيـب=فعلكم في الوزن مايبلـغ نصـاب فعلكم مشروك مع جنب وجنيـب=وكل من جاله على حرب انتـداب للدويش بحصة الحربـي نصيـب=وآل عاصـم خانقينـه بالقضـاب والعصيمي لاعـوا ذيـب ٍ لذيـب=تنثنـي دونـه مخاليـب الذيـاب حيث مضرب مخلبه خطر وعطيب=وينحسب له باللقى ميـة حسـاب العدوا يكسر له العظـم الصليـب=وكان مارافق وفود الموت عـاب يارد الحوض الذحاحي كان هيـب=لا تناطحت الحراب مـع الحـراب وللصديق احلى والذ من الحليـب=وللحريب ادهى وامر من العـذاب كان جا للذيب فـي القنـه قنيـب=وشبة الهيجا وصار الها اشتبـاب .......................................=ياكثر مايرد حـرب مـن المـداب البعض منكم حضـر والا يغيـب=مادرى عن من يحوفون العيـاب سايل ٍ به سيل والـوادي جذيـب=مادرى ان السماء دونه سحـاب والبعض سوى على الغيره صليب=ودك ان اللـي سواتـه يستتـاب ويوم صار الوقت وجهه وجه ذيب=والمجاعه خلصـت ماباالزهـاب .........................................=................................ ........................................=بينهم هـم والعماهيـج انتخـاب من تنصاكم رضيتوا بـه نسيـب=عندكم ساس النسـب بالأنتسـاب وازع الشيمـه دفنتـوه بقلـيـب=وصار في وضع القوانين انقـلاب صار ابن عجلان فيكـم كالنقيـب=................................ شف بنيخيكم لهم شكـل ٍ عجيـب=السواد مخالطه شعـرة صهـاب راس واحدهم مقرعـط كالزبيـب=ازق ٍ كنـه ظـهـر زاروق داب قلت لي قاف ٍ غزا مغزن مصيـب=وحل في ديوان حرب الأظطـراب القوافي بين اديـب وبيـن اديـب=وتفقد الجوهـر اليـا قـل الأداب -22- لا تماري قوم منت الهم عديل = ولا تخاصم وانت يااللاش امخصوم
يا قلم عزوز جاين له عويل =من كلامي ضايق الصدر امهموم مايبات وفارقه حلو المقيل = والعيون الحول صابتها الهزوم لا تضايق من كلامي ياابو ذيل =انت ضيفت امس واليوم معزوم عند رجل ٍ مايخاف من القبيل = وكان هاجمته يبادلك الهجوم ويطرح النيشان لاشد الفتيل =وبندقه ماهيب فاالهيه زموم يتحكم فالرصاصه لا تعيل =وانسحابه صعب من بعد القدوم وانت تركض من بتيل اليا بتيل = في بحر عمياك يا عزيز تعوم وصرت للشيطان واعوانه وكيل = قلت انا بقوم وابليس مخدوم مادريت انك جنحت عن السبيل =واستدارت بك دواليب الغشوم وعادة الشيطان دايم يستميل =كل من مثلك عن الحق امغموم ويش جابك للمشاكل يالهبيل =والسماء فوقك ملبد بالغيوم السبر قوبعك من قفوا الشليل = والعقاب المفترس فوقك يحوم اكتشف مافي الخريطه من حصيل = لو تضفضف ماتغطيك الهدوم لا تماري قوم منت الهم عديل = ولا تخاصم وانت يااللاش امخصوم قد سقوك من الذحاح الحنضليل = لين حالفتوا هل الجمع الجزوم انظر التاريخ جيلن بعد جيل = ويتضح لك كيف توزيع القسوم ويتضح لك مافعلنا يالهزيل = يوم جينا الدار والدار امحكوم كم حدينا الضد بالحد الصقيل = وكم نزلنا بين قوم وبين قوم وكم نهارن من سببنا صار ليل = من عجاج الخيل واوماي السهوم مال نزهين الشوارب من يشيل =حذفهم فالمعركه حذف الجروم ذا صويب وذا منيع وذا قتيل =وذاك ضاقت به معابير اليموم لين زحنا راعي الروز الثقيل =وغادر الديره على قبا(ن) قحوم حربنا خلت محمد يستقيل =يوم شاف اجموعنا دهمن دهوم قبلنا لويت ذ راعه مستحيل =ويوم صافحناه سلمنا الختوم ومشيخة نجد العريض المستطيل = سلم العتبان مشيخة العموم وكان عاهدنا وفينا للعميل = وحربنا لأهل الحرايب حرب روم للصديق انصير مثل السلسبيل = والعدوا اثقل عليه من الرجوم وانت خابر يوم تختار البديل = يوم تنزع من قبيلتك وتشوم يوم تطمر من فصيل اليا فصيل =جاز لك جانب متيهت الردوم الرجال اللي يعزون النزيل = ومن يحاربهم يطيح ولا يقوم حربهم خلت قبيلتكم تحيل = وشتتوا جمع السوالم والفروم كان ديرتكم بوادن له مسيل =من الجريراليا المضيح للجثوم مير حدوكم بشلفن فوق خيل = لين بانت في قبيلتك الثلوم انهزم جمع السوالم مستزيل = ولايزال ابكم من الماضي عثوم ياعزيز يابحر قولن وقيل = وين تبغى يالمزيني للنجوم خلنا بالأرض والجيد يشيل = كان قربت الحمول من الصهوم ويتضح ركض الأصيل من العصيل = وتدري انك من رديين العزوم انتبه ياللي تحسب انك طويل = وانت ماتلحق ملاحيق القروم انت كنت مع العرب عيبة مشيل = مير لا تقعد تهوم الحكي هوم عيبتن فيها الجديد مع الحويل = ومن غزا وافلس رجع لأم الخصوم وانخدعت بنعمة الدور الفضيل =واحتموك اهل المدافع بالطقوم وقمت تعمل فالمراسيم اتعديل = ومن عما رايك تجاوزت الرسوم كيف تذكر منطقة بيضاء نثيل =وانت من سعدون وعقاب مهزوم جالكم قدام ابن وايل جفيل = وصفكم في دفتر الضبط امعلوم عقب ماغرب يبي وادي النخيل = ردته كلمة مكبرة العلوم كلمتن جرت خيالن مستخيل = ذبكم سيله على روس الحزوم وكل مابيدينكم من شول شيل =ودهو للنياقكم توديه بوم وين تبغى يم سلمى يالخبيل = وانت من فعل السناعيس امخزوم شيخهم سقتوا له المال الجزيل = جزيتن توخذ عليكم للحدوم وقد سرب قطعانكم وامره وبيل = وقد غشاكم من هل الطولات لوم ويوم دقلات الأ صيله والاصيل = وشهرتك من فوقها عدة وسوم واحدن لعبيد والبيت الدليل =والضياغم سيفهم دايم لطوم واحدن للي سبقكم بالرحيل =وصار في الهيجاء يبيع ولايسوم يوم حطيت المطيري لك زميل =واشتركتوا في الدفاع وفي الهجوم جمعكم حجمه كبر هضبة حقيل = مير من صد الصناديد امحروم يدحم كنه خيالن مستخيل =والثبات بساحة الحرب امعدوم ومن يبهر دلته بالزنجبيل = قام معكم مير ماسد اللزوم عقب زومه غادر الحسرج ذليل = يستغيث ويطلب الرب الرحوم وقام يلعن حلف معبول العبيل =مع ولد باقان وعنان العزوم انت تطلبني دليلن بتعجيل =وكان عندك عين برق بالرقوم خذ كلامن مايزاد من الصميل =وان بغيت تقوم والا لا تقوم وكل قاف بلادليل ولا كفيل =مايقوله كود رجالن خذوم وكل رجلن مامعه في الحل حيل = لا يحط بعلبة الريحان ثوم يعتزل ويصير في الظل الظليل =وش يبي بمكابدة لفح السموم ولا وصلك من الكثير الا القليل = وخطنا ياصلك بالختم امختوم قصايد كديميس اكثر اللي يعرف شي ينزله في ديوانه |
|||||
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| انواع عرض الموضوع |
 الانتقال إلى العرض العادي |
 الانتقال إلى العرض المتطور |
 العرض الشجري |
|
|
 |
 |
