محمد بن رشيد =
علي فلاح يقول ( سلطان الجذع )شاعر كبير=وانا ماقول الا عسى ربي يخليه ألـ/ هله !!
قدامه الطرقه طويله كان ماعمره قصير=وان مات ماهي مشكله وان عاش ماهي مشكله !!
سلطان الجذع =
يابن رشيد يعلمك مـن واقـع الخبـره خبيـر=اللي بعرفه كل رجـل ينزلـه فـي منزلـه !!
أن عشت بامر الله ,, طرحت الوسم فرقبة البعير=وان مت تلقى الشعر يبكي حاضره مستقبلـه !!
محمد بن رشيد =
بعـد تقابلنـا عسـى فالامـر ياسلطـان خيـر=جاوب على قدّ السوال اليـا سمعـت الاسئلـه ؟
حظـك وراه ايوخـرك ويقـدم اخـوك الصغيـر=وانته على ماأسمع واشوف احسبك راع الاوله !!
سلطان الجذع =
يالكبتن اللي محترف في دوري هذيل ومطير=ياقل ماتعرف من عتيبة ,,,مع اللي تجهله !!
هذا ماغير السبر قدم الشيخ والجمع الكبيـر=دراسة ارض المعركة للغازي اول مرحله !!
محمد بن رشيد =
يبا يزين العلم والموضوع ويقر القرير=وكل ٍ نبا نجزاه ياسلطان من جنس اعمله !!
لاعاد تسبح فالبحر مادام تغرق فالغدير=هذا الحقيقه والكلام اللي على بالك قله !!
سلطان الجذع =
هذي ثلاث سنيـن فتهامـه رحاتـك تستديـر=لاهل العشاش تسوق ركبك والقصر ماتدخله !!
رشيد قبل يموت ورثّ للولـد سيـفٍ شطيـر=لكن ماشفتـه ليـا نـادا المنـادي ينقلـه !!
محمد بن رشيد =
انا احسبك ياطير يوم اتطير تشهر فالمطير=واثرك قضيت العمر كله مدّرق سد اجبله !!
السيف في يمناي وانته ردّ سيفك فالجفير=واليا بدى لازمك علمني بعلمك وازهله !!
سلطان الجذع =
الله يغش اللي يبا غشي ,,, وغشه فالضمير=فأول رساله واردة واخر رساله مرسلـه !!
ترى الكلام المحتدي من فوقه خطانـا تسيـر=كنه مكاذيب الرصاص اللي يغزي به يفشله !!
محمد بن رشيد =
الغش ماهو بيننا لو بيننا علم ٍ خطير=لاتفتح اذنك للكلام الشين واللي ينقله !!
اشتاق للجزله ويمّك قادني سلك الحرير=والحمد لله من رصيدي ماغدى لو اهلله !!
سلطان الجذع =
انا معي علم خبر وادري بكـل اللـي يصيـر=لو تشرب الماء الحلو يبقى المر طعم الحنظلة !!
عزالله انك ماوردت الا علـى الجـم الغزيـر=ولاغدى لك من حقوقك غير حملك وجمله !!
محمد بن رشيد =
كل ٍ يشوف الفرق بين البني الاول والاخير=وانا ملاحظ فيك ياسلطان من عصر اعجله !!
ياعدّنا المورود .مدري عين والا طي بير=عساك تروي اهل جياد ونصف حي المسفله !!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
11-May-2009, 04:06 AM
العرض العادي
