سعود العصيمي=
هلا يامرحبا ترحيبةٍ ترفع كمـا الاعـلام=من بنوك الغناه اللي تربّح من يعاملهـا.
ابو سلطان عينه لليمن والقلب يم الشـام=ولاادري وشهي اللي يامره حظه وياصلها
ناصر المرشدي =
اقوله بالنيابه يالعصيمي والوعـد قـدام=يدوم الك البقاء من بادع الكلمه وقايلهـا
يغيب الغايب وعذره معه وان غاب مايلام=عسانا في غياب اهل الوفاء نقدر جملهـا .
سعود العصيمي=
بعد ماجيت ياناصر هلا وحزام ضد حـزام=تعين فالدروب اللي تناسب لك وواصلهـا.
يصح الصح واهل الصح مايلحقهم استفهام؟=وانا خابرك شاعر عرف والوقفـه تكملهـا.
ناصر المرشدي =
علامك يالعصيمي مابديت بسنة الاسـلام=وانا خابرك يامال الغنيمه ماأنت جاهلهـا
عليك تحضر الاوراق وانا احضر الاقـلام=وهات الكلمه اللي في ضميرك لجل اسجلها .
سعود العصيمي=
ترانا ماقصرناها هلا تكفيك يالضرغام=ولايحتاج اكررها واسجلهـا واحللها.
لكن الليل عوم البحر ياللي للبحر عوام=نبيها تشتعل لو الثعوول يهل هاملهـا.
ناصر المرشدي =
انا ما قلت حلم ولانباك تفسر الاحـلام=اباك تلد فيهـا يالعصيمـي لاتخيلهـا
على مايسر الله احتزم بالفارس المقدام=تراه يصارح الفرسان مايعرف يجاملها
سعود العصيمي=
ليا لديت فيها وانها عذراء وبنت حشام=بغيت ارمي بكلمه قلت لا ماني بقايلها
توكلنا على الله يالعتيبي يوم طيرك حام=لعل الله يسهلها ونبعد عـن مشاكلهـا
ناصر المرشدي =
على شانك نعديها وركز مقبـل الايـام=انا اوضح لك الدعوى وابيّنها من اولها
تبيها شرق والا شام والا غرب والا يام=تخير يالعصيمـي والقضيـه لاتطولهـا
سعود العصيمي=
سرى ليلي وليلك يابو تركي والعبـاد نيـام=وانا اعرف النجوم العاليه واعرف منازلهـا
نشوف الحرب قامت من طرف كتايب القسّام=ولا دري وش يصيب الارض من قوة قنابلها
سلطان بن دحيم
محمد العتيبي
خالد المقاطي
حاكم الغنامي
الصامل
مرحبا ومسهلا مليووون
« آخـــر الـــمـــشـــاركــــات »
03-May-2009, 01:02 PM
العرض الشجري