الطيااار =
بسم الله الرحمن تخزي كل شيطانٍ رجيم=لا قلتها لمطير دايم ينخـزي شيطانهـا
والثانيه والله لاشب النار في كل الهشيم=حتى هشيم مطير يظهر للعرب دخانهـا
العووني =
ان ماعدلت العلم واخذت الطريق المستقيـم=( والله لاركب حبة البندق علـى نيشانهـا )
صعبه تشب النار وانت الخوف في قلبك مقيم=لكن خـل النـار لرجـالٍ طـوال ايمانهـا
الطيااار =
اقول شد الحيل مالك عندنا غير الجحيـم=اللي توقد في عظامك محرقـه نيرانهـا
والله لاعسفك عسف لين تقول يالله ياكريم=درب النجاه منين والمطران وين اوطانها
العووني =
والله مااشد الحيل دام اللي مقابلني غشيـم=مايعرف بحور الشعر وطروقها واوزانهـا
انا بغيت امدحك مار المدح مايرفع ذميـم=وقلت الصحيح وضاقت عتيبه على جيرانها
الطيااار =
خابرك بارد عزم هذا طبع جدك من قديم=ماهي غريبه منك سلم مطير من جدانها
انا غني عن مدح هطلان الاذاني والحريم=وأم طير معروفه مع العالم بطول لسانها
العووني =
حذرا تزعلني واسيّل دمع عينك ياليتيـم=مطير نص رجالكم عن ورع من روعانها
تبا تسوي مع جنابي بهرجه وامك عقيـم=كلمتك هذي من قدم رجلي تحت حذيانهـا
الطيااار =
اشرب بحر من بعد نزحنا شيوخك للقصيم=وطيت عتيبي تعدل المطران مع نسوانهـا
لا والله الا قمت تهذي بعد جاتك فى الصميم=وانته تحت رجليّ يامن غيرت فى اديانهـا
العووني =
اللي يقول الحر الاشقر نتفوا ريشه عصيم=كذوب وانته كذبته تمشي علـى عنوانهـا
عطيت علم وهاك مني علم وافهم يافهيـم=من ذا الذي فاربع ميه هجري بلاده خانها ؟
الطيااار =
الارض تشهد والعرب تشهد يابو عقلٍ سقيم=لو تجحدون الثابتات الناس قالـو عانهـا
درب الشجاعه والشهادة درب جنات النعيم=وانته يالباس الصليب تموت مع صلبانهـا
العووني =
الارض تشهد في فسادٍ من طرفكم مستديم=والعز للمطران يوم الخيل فـي ميدانهـا
يوم ابرهه للكعبه اقبل فأخر الليل البهيـم=ماله مقاصد ياعتيبه غير هـد اركانهـا
الطيااار =
ماني بخابر عز فيكم كلكم ليلٍ بهيـم=امطير مرعبها وسكيني على لحيانها
حنا عتيبه يالمطيري شأننا شأن عظيم=وانتم تعبدون القبور وتسرقون اكفانها
العووني =
والله مانت بشئ لاقرب الخصيم من الخصيم=ولاانته بمرعبنا مدام الروس فوق امتانهـا
عتيبة منّول لكن اليوم عقب السيـل ديـم=ام الكباير دمها مغشـوش فـي شريانهـا
الطيااار =
فزعتك فزعة ضيّم وانته صرت للمطران ضيّم= الله واكبر فوق عون وفـوق كـل اعوانهـا
ام الكباير عندكـم واشتالهـا وسـط البريـم=ولاعتيبـه مـن صقـورٍ سابحـه جنحانهـا
العووني =
اهم شئ النار قدمك وانته انفخ ياشريـم=والا المواقف راحجٍ في صالحي ميزانهـا
ام الكباير ورع من خنذف وورعٍ من تميم=لاتتهمني بالجموح اللـي بيـدك عنانهـا
الطيااار =
من بعد ماصار المطيري مثل عصفٍ كالرميم=انقـول للمطـران دون ابلادنـا سكانـهـا
الوسم في خدك يبين كـل ماهـب النسيـم=مار اسلمو واستسلموا حتى نفـك رهانهـا
العووني =
اخذ ألك حكمة ياوسيع العرف من راس الحكيم=اظـنـك الـلـي لايدينـهـا ولايـدانـهـا
اليا صفى ياصاحبي جوك بعـد عجـة وغيـم=تبا تعرف انـك تسـوق هزالهـا فسمانهـا
« آخـــر الـــمـــشـــاركــــات »
العرض المتطور
