نايف ابن حديد
مرحبا ترحيبةٍ منهيةٍ ماموره=قلتها وانا بخير وطيب ومتعافي
صاحبي سلطان تال الوقت صار اسطوره=مانقول الا من الوقت الغبر ياكافي
سلطان الجـذع
البقا باللي يقدم للعرب مقدوره = وانت دامك جيت قابلنا بعلمٍ وافي !!
ريح اعصابك بظل الراية المنشورة = واحمد الله يوم لاتذكر ولاتنشافي !!
نايف ابن حديد
منهو ياللي من عتيبه دخلك في شوره=وانت ياسلطان لاتسعى ولاتطافي
عقب ماكنا نشوتك مثل شوت الكوره=كن ودك يالله الخيره تشّيب قافي
سلطان الجـذع
ماانت في حكم البلاد مطالب أخو نوره = اعطه البيعه وخلك فاللحاف الدافي !!
ذكرتني كلمتك في قصةٍ مشهورة = كيف تحذفني وانا احسبك تحذف حذافي !!
نايف ابن حديد
اخو نوره فالمزار اللي رفيعٍ سوره=وانت خلك في عفيف وستر ربك ضافي
ماندزك في مهمه لين تاخذ دوره=العرب ماتقبل الارباع والانصافي
سلطان الجـذع
اخذها مع فارق التشبية صوت وصورة = ثم خلك في نفي يسفي عليك السافي !!
اتق شرور الحليم اليا جرحت شعورة = وبعد هذي لاتقول ان الصدور نظافي !!
نايف ابن حديد
مادرينا عن طمعكم ياجنود الثوره=جيشكم عشرة نبشتيه من الاريافي
وان بغينا نكتب اسماكم على السبوره=مابقى الا الحضرمي ومعمر القذافي
سلطان الجـذع
جيشهم بالسيف والمنسف حمى مظهورة = انت ياللي تحسب ان ثبيت فالاشرافي !!
في بقيع الغرقد اللي ماتعد قبورة = قبر مطلق والجبرتي والبحر صيافي !!!
« آخـــر الـــمـــشـــاركــــات »
28-Apr-2009, 05:31 PM
العرض الشجري