عبدالله الاصعر
مرحبا بالكبتن اللي فالسنه يبين مره=له شهر عرض السنه ويغيب لين الحول داير
ياثبيت الله حشركم بين ضلع وبين حره=في مسيل السيل ياهل السيل تبنون العماير
كبتن عتيبه
البقاء واللّي ذكر ربعه كذا لِلَّه درّه=ولو اغيب اعن النشاما حُبُّهم جوف الضماير!!
أنت من خوفك مسيل السيل ماتقدر تمرَّه=مير يالاصعر: ترى اسمك ماوراه الاَّ الخساير!!
عبدالله الاصعر
يالثبيتي معك شاعر والمعاني ماتغره=مايزل عن الحدود ولايزل عن السواير
في مسيل السيل نازل تحسب انك في مسره=واسمك اللي تتفاخربه مع الهيلا مغاير
كبتن عتيبه
كان تبغاها حرابها جايتك فرّه وكرّه=والمعارك فالشعر نعطي لطاريها بشاير!!
في ديار جدودنا والضلع مايترك مقرّه=غير ضلعً عندكم ياهل عشيره والحفاير
عبدالله الاصعر
كم حريب بشقر البارود في عينه نذره=واليمين ان مدها تكسر ولا تلقى جباير
لا تقوله وانت مالك في قرارة نجد جره=ولا انا مندونها بالسيف الاملح والذخاير
كبتن عتيبه
كم من واحد معه هقوه وفالآخر تغرّه=ولايسير بلا بصيره غير عميان البصاير!!
كان مالي فيه جرّه..مالكم مثقال ذرَّه=كيف تجحد فعلنا نهار دارن الدواير؟!
عبدالله الاصعر
تفهمون العلم ياثبيت الجبل ولا مدره=من ورى الهقوه نصير ولا نبيح بالسراير
قبل ماجيته مهاب اليوم في سره وقره=ما فعلت بنجد فالضلعان يالكبتن تذاير
« آخـــر الـــمـــشـــاركــــات »
27-Apr-2009, 03:38 PM
العرض العادي
